Aizawl | November 5, 2018: Vawiin November 9, 2018 hian Pu Hiphei, Congress MLA leh Speaker ni bawk chu BJP ah a hming a ziak lutin a in pe. Party a a inziah luh hnuah thusawina neiin, Pu Hiphei chuan BJP hian sakhaw tihbik a neih loh zia a tak a a hmuh thu te, Kristian te tan a BJP Sorkar thatzia hmutu a nih avanga BJP zawm a nih thu leh Development hna hi BJP tluk a thawk tha an awm a hriat loh thu a sawi bawk.
Congress in BJP nen a ruka inzawm anga an puhna, a in lei sak atang tawh a inzawm ni a an puhna pawh dawt mai anih thu leh amah duhsak lo tu ten Congress chhungkua a hmaiphihfai na atan a an puhna mai anih thu sawiin, heng mi te hian India Ram hmun thenkhat a Congress tlakchhiatna kan hmuh hi an thlen ve dawn ta a ni a ti. Pu Hiphei chuan Congress chu a hmangaih thu sawiin, hmangaihte berin an pawm tawh loh chuan hmangaihtu dang a zawn ve mai thu asawi a, BJP chu a belhchian hnu ah belhtlak anih thu sawiin, tunhma a Congress in a kan puh chhiatna ang pawh kha tunah BJP chu Kum 5 lai India Ramah an lal a, chutiang ang a Kristianna leh Hindutva avanga buaina leh Constitution kal pel a an chetna pakhat mah a hmuh loh thu a sawi bawk. Tin, Pu Himanta Biswa Sarma, Mizoram Election Incharge in a sawmthu sawiin, Pu Himanta hi mi taima, mi hratkhawkheng, inngaitlawm leh ram tan a inpe Congress hunlai pawh a kan thluak bur a ni a, a ni in duhsak takin min sawm bawk a, chuvang chuan in ti neitu tak leh Ram leh hnam tan a theih tawp chhuah tur in ka lut ta a ni a ti bawk.
Pu Hiphei hi Pu Ramthansanga BJP State GS (Adm) in laewmluhna anei a, Pu Manas Deka leh Pu PP Thawla ten an tawiawm bawk a ni.
Tunhnaiah Pu Lalnunmawia Chuaungo IAS, Mizo zinga mi hmingtha leh hnathawk tha, Gujarat State Sorkar a hna pawimawh hrang hrang lo chelh tawh chu Mizoram in an duhthusam tak a CEO a an dah, SB Sheshank (IAS Conferred) in Election commission of India in a hek avanga ECI in a rawn transferred hi Mizo hnam hmuhsitna ah a ngai a, kan dem takzet ani. A rang thei ang ber a Pu Shashank hi Mizoram atanga la chhuak nghal turin Home Ministry ah BJP Mizoram Pradesh chuan a thlen tawh bawk.
Election Commission hi April 7, 2104 a inremna a siam bawhchhiat a awm hi pawi kan ti a. Election Commission of India hi tu thuhnuaiah mah a awm lova, an thupek hi BJP Mizoram Pradesh in kan pawm a ni. Bru te hian Vote an thlak dawn anih chuan Mizoram chhungah, anmahni duh thu ngeiin an thlak tur ani tih hi BJP dinna tur ani. Central YMA leh NGO dangin Bru chungchanga an thuchhuah ah leh Mizo hnam himna chungchnagah reng reng chuan BJP hi nghet takin, kan hnam leh sakhua humhim nan a tawp thlengin a tang dawn bawk a ni.
Pu Lalnunmawia Chuaungo IAS, a hna atanga transfer chungchangah hian BJP Mizoram Pradesh chuan kan Sorkar hmasa te tihsual tawh hi pawi a ti a, mahse insiamthat theih a la ni tih a hria. Mizoram Congress Sorkar in a tihsual lian tak pakhat chu CEO atan mi pathum hming an pe a, Mizo hming lo pe tel se chu hetiang buaina hi kan tawh kher a rinawm loh e. Vawiinah hian kan Officer pawimawh tak tak hi hnamdang an ni thin a, hei hi kan tuar tan mek niin alang. Chief Secretary, GAD Secretary, CEO, DGP, IGP bakah District 8 ah District 4 a DC te hi hnamdang vek an ni. Tin, District 8 a District 6 SP (Superintendent of Police) te hi hnamdang vek an ni. Tun a Mizo IAS leh IPS kan la neihchhun te hi an Pension hnuah engtinnge Mizoram hi a awm tih ngaihtuahna sen a hun ta viau ani. Heng zawng zawng avang hian Sorkar tha kan neih a tulzia pawh a langchiang viau awm e.
Mizoram leh hnam, sakhua leh chibing avanga harsatna awm thei reng reng lakah BJP Mizoram Pradesh chu nghet takin a ding zel dawn ani tih Zoram mipuite kan hriattir a ni e.
Post a Comment
He post chungchanga i ngaihdan lo sawi ve rawh: