Kolasib Jt NGO ten District Election Officer, Kolasib chhuahsan tura huntiam an siamsak chhan hi i hre chiang em? NGO Committee neihna hrang hrang atanga a landanin.
- Zomuana Chhakchhuak ( Kolasib AW )
A rukin Tripura Tuikuk mi 218 zet mai anmahni hmu miah lovin electoral roll-ah a lo thun a, heng roll-a thun tharte hi a hma in AERO ten hearing an neih lai pawhin an inlan duh lo. Roll-a thun thar Tuikuk te hi document mumal tarlan an awm lova, an hming leh an awmna camp hming bak document mumal an nei lo. An kum zat leh Kolasib district-ah khawilaia awm thin nge (an nu leh pate) engmah tarlan a ni lo bawk. Hearing neih hunlaia an inlan loh avangin reject an ni a, hei hi DEO hnenah an appeal rualin anin awlsam takin a lo thun a ni mai e.
Tichuan...
1. Roll-a thun an nih hma, appeal an siam tirh October 10 khan Sub Hqrs YMA OB te chuan DC hi office-ah an lenchilh a, roll-ah heng Tuikuk te hi thun lo turin an ngen. Roll-a luh dil zat erawh a sawi thei lo.
2. October 14 khan MZP Hqrs, Kolasib chuan DC hi an lenchilh ve leh a, roll-ah thun lui lo turin an ngen. Roll-a luh dil zat sawi thei lo.
3. A tuk October 15 khan DC Office kawtah hemi duhloh lantir hian MZP ten sit-in-demonstration an nei. Roll-a luh dil zat sawi thei an awm lo.
4. October 24 zanah DC Conference Hall-ah Tuikukten vote an thlak dan tur ngaihtuahin meeting hmanhmawh neih thut a ni a, he hunah hian NGO hruaituten roll-a Tuikuk thun an remtih loh thu an sawi. MZP te erawh Conference vangin aiawh an tir lo. Tuikuk roll-a luh dil zat DEO in a la sawi thei lo zel. Mahse tumah roll-ah thun an la ni lo a ti.
5. November 1-ah Kolasib chanchinbu mite nen inkawmnaah Tuikuk roll-a thun an la nih loh thu a sawi a, luh dil zat a la sawi theih loh thu a sawi.
6. November 2 zingah Tuikuk roll-a luh dilte reject-na lehkha, Tripura-a kenthlak tir tum chu Rengtekawnah NGO ten an lo dang kir a, kal an rem ti lo. Hemi ni hian DEO Arun pawh NGO te hian an hmu nghal a, roll-ah Tuikuk thun lo turin an hrilh nawn, luh dil zat erawh a sawi thei lo.
7. November 4 (Sunday) tlaiah NGO meeting, SHYMA Committee Room-ah neih a ni a, meeting laiin DEO hi phone hmanga biak niin roll-ah Tuikuk a la thun loh thu ngaihthlak a ni a, roll-a luh dil zat a sawi thei lo.
8. November 6 ah Hnam Hnatlang neih a ni a, hemi rual hian Kolasib bik chuan roll-ah dik lo taka Tuikuk thun an nih lohna turin DEO an nawr chhunzawm. Hemi tuma hnatlang hi mipui an thahnem bawk a, an thawm a na hle.
9. Tuikuk mi 218 chu roll-ah an lut tih November 8 khan hriat a ni chauh. Heng mite hi October 27 khan DEO hian a lo thun fel vek tawh a, ECI lamah roll back tir leh tura tih a ni.
10. November 9 khan NGO Coordination Committee chuan Mizo hnam pawikhawihtu-ah ngaiin mipuite lakah ngaihdam dil turin DEO Dr Arun T. IAS chu an phut.
11. November 12 NGO Committee-in November 13 tlai dar 5 hma in Kolasib chhuahsan turin DEO an phut. Chief Secretary-in Kolasib NGO te thlem turin Aizawl NGO hruaitute zan la la hian a rawn tir mek.
Heti vel hi a nih hmel e a....
| |||||||
Post a Comment
He post chungchanga i ngaihdan lo sawi ve rawh: