Aizawl | November 15, 2018: All India Radio buatsaih NE Choir / Choral Competition chu November
16, 2018 hian Shillong khawpui-ah hian neih a ni dawn a. Hemi atan hian Mizoram
aiawh in Ramhlun South YMA Zaipawl te an tel dawn a. November 14 khan Aizawl chhuahsanin Shillong
an pan tawh a ni.
Nikkum 2017 October ni 19 khan Mizoram aiawh tur thlanna
neih niin chumi atang chuan Ramhlun South YMA Zaipawlte hi thlan chhuah an ni.
He competition hi ‘NE Body Can Sing’ tih a ni a, tun tum hi Season 3-na niin,
Zaipawl bik intihsiakna hi a tum khatna a ni nghe nghe.
State tin aiawh an kal tha hle a, He hunah hian Assam state
tih loh chu North East State aiawh theuhte an tel kim thei dawn a ni. State tin
ten hla 2 theuh hmangin an intihsiak dawn a. Mahni hnam hla bakah Sap hla sak
tur a ni ang.
Ramhlun South YMA zaipawl hi Leader Eddie Zonunmawia'n
kaihhruaiin, Choir Conductor chu Rorempuia a ni. Member-te :
Lalruatdiki, Lalnipuii, Cindy Lalmuankimi, Lalremruati, B. Lalruatpuii, Lalrindiki Tochhawng, R. Vanlalnunfeli, Malsawmtluangi Chawngthu, P. C. Lalremruata, R. Lalremtluanga, V. Lalruatfela, Lalmalsawma, Nicky Saihmingmawia leh H. Lalmalsawma te an ni.
| |||||||
Post a Comment
He post chungchanga i ngaihdan lo sawi ve rawh: