India ram pum huapa kum 2015 atanga Dr. BR Ambedkar piancham apianga  kum tina kan hman thin, "Constitution Day" chu kuminah pawh November ni 26-ah khian  Mizoram sawrkar hnathawk te  leh sikul naupang te chuan an hmang leh dawn a ni.
Constitution Day-ah hian sawrkar hnathawk te leh Zirlaite chuan India Danpui hlutna inzirtir nan  Constitution of India  phek hmalama thuhmahruai leh Danpui ruangam, " The Preamble to The Constitution of India" chu a huhovin an chhiarchhuak leh dawn a. Chief Secretary thupek angin he hun hi hmang vek turin  Head of Department zawng zawng leh Zirna In zawng zawnga a hotute zawng pawh hriattir an ni.
New Secretariat Complex-ah chuan he hun hi Secretariat staff ten Chief Secretary Pu Arvind Ray kaihhruaina hnuaiah an hmang  ang a. Secretariat Annexe-ah chuan I&PR Commissioner & Secretary Pu Biaktluanga'n a kaihruai dawn a ni.