AIZAWL WEST -1 AH BJP CAMPAIGN KICK OFF

Aizawl | November 8, 2018: Vawiin ni 8th November 2018 hian Aizawl West - 1 ah Campaign Kick Off neih a ni a.He hun hi Pu Vanlalhuma Kawlni BJP Aizawl District President in kaihruai in, Aizawl West - 1 Constituency BJP Official Candidate Pu LR Colney chuan thusawina hun ahmang bawk.

He hun a thusawitu Pu LR Colney chuan Aizawl West -1 huam chhung a Candidate ka ni hi ka lawm a, he bial chhung hi ka tlawh kual chhuak dap tawh a, Congress Sorkarna hnuai ah kan bial hi hmasawnna hian akal kan tlat hi apawi hle mai a, kan bial chhungah hian Mizoram tana hmun pawimawh tak tak a awm a, abikin Sairang khua kan nei a Mizo te tan a hlu em em a, Balu lakna hmun a ni a, Rail Head alo thleng dawn bawk a, kan bial hi Mizoram tan apawimawh hle mai a nimahsela hmasawnna in athlen phak loh leh ngaihsak loh veng kan ni in a lang.Sairang khua in chhiatna thlen thut thil a an hman tur Lawng leh chhanchhuahna hmanrua pawimawh dang te pawh kan dah dawn a, West -1 bial a kan tlin chuan kan bial hmasawnna tur hrang hrang zingah Field tha kan la neilo a, Field tha kan neihna tur leh thalai te hmakhua ngaiin theihtawp kan chhuah dawn a ni. 

Tin, BJP hi Mizoram ah chuan Kristian te ti duhdahtu tih thanin kan thang a, nimahsel kei Orisa ah rawngbawlin kum tamtak ka awm a BJP in Kristian an tihduh dah ka hre ngai lo, Kristian tih duhdah an nih thin lai kha BJP Sorkar lai nilo Congress Sorkar lai a ni a, khang hunah khan tuman Congress in Kriatian an ti duhdah kan ti ngai lo a ni. Chuvangin BJP chu Party pakhat a ni a, Sakhuana nen lak pawlh lui talh tum tu te chu Congress leh a thuihhruai te chauh an ni thin. Tunah pawh India ram hmun hrang hrangah Congress chu an ral zel a, Congress hian BJP beih ngaihna an hriat tawh loh avangin Sakhuana hmangin min bei ta a ni. Chuvangin, keini BJP te chuan Kristianna India ramah kan hum him anga Kristian te tan  kan ding dawn a ni. Kriatian BJP te hian India ram hmun hrang hrang ah pawh nihna pawimawh tak tak chelhin an tam em em a, Congress hunlai nen chuan dang tak a ni chhut peih chuan chhut atha khawp mai, Kan thenawm State ah pawh Kristian Minister leh MLA an kat nuk tawh a, Kristian te tan BJP hi hlauhawm anga inzir tir hi dawt mai a ni tih kan sawi duh a ni.

Chuvangin BJP kan Sorkar anga Prime Minister Modi Scheme hrang hrang hi atakin kan hmang dawn a, Congress Sorkar in BJP fakna anih an hlauh avanga an tih duh loh mirethei te tan a hamthatna hrang hrang pawh BJP kan Sorkar anga anihna tur dik takin hma kan la vek dawn a ni. mirethei mahni in leh lo neilo te, mahni in leh lo ngei ah kan cheng tawh dawn a ni. Chuvangin kan bial hmasawnna mai bakah Mizoram in Development puitling kan hmuh theih nan BJP Vote theuh tur in ka sawm tak meuh meuh che u a ni e a ti bawk.