HIMANTA BISWA SARMA BJP MIZORAM ELECTION I/C IN KRISTIAN TE TAN BJP A HLAUHAWM LOH A TI.

 October 18, 2018 (Thursday) hian BJP Mizoram State Office a tlawh a, inkhawmna hun  a hmanpui. He hun hi Pu Vanlalhmuaka State GS (Org) I/C In kahruaiin, Prof JV Hluna leh Pu Himanta Biswa Sarma ( Assam Finannce Minister i/c Mizoram Election) ten thusawina hun an hmang a ni. He hunah hian Pu JB Rualchhinga Ex-EM(LADC) lawmluh a ni nghal bawk

He hunah hian Pu Himanta chuan thusawiin,Mizoramah BJP te Kristian te tan a hlauhawm niin sawi a awm thin a. Assam-ah BJP Kristian Cabinet Minister pahnih kan nei a,Portfolio pawimawh tak tak an chang a ni. Assam-ah hian Kristian te an tlakchhamna leh harsatnaah vawi tamtak chhawmdawlna pek an ni tawh a. BJP hian mi tam tak rinna a hlawh chho mek a,sakhua, chi leh hnam hrang hrang te a ngaihsak em em a ni. Keini chuan hmangaihna leh inremna hi kan duh ber a ni a, Meghalaya,Manipur, Nagaland ,Tripura leh Arunachal-ah MLA tam tak kan nei a .Heng State tinah te hian Sakhaw thilah harsatna leh buaina a awm ngai lova, a thleng ngai bawk lo. Congress sawrkar lai erawh chuan heng hmunah hian harsatna tam tak a thleng chamchi a, sakhaw thil a buaina tam tak, vawiin thleng a Social Media darh thin hi Congress hunlaia thleng leh keimah ngei pawh Congress ka awm lai a thleng a ni. Vawiinah chuan BJP Sawrkarna hnuaiah sakhaw hrang hrangte hlim tak leh inngeih takin an awm mek a ni.  
Mi tam takin “Assam-ah BJP sawrkar alo ding a, Kristian te chu an va chep awm em” tiin an sawi thin a, mahse a hmunah an rawn kal a, thil awmzia an mit ngei a an hmuh chuan mak an ti thin a ni. Nagaland ah hian Sawrkar intawm kan siam avangin BJP in Deputy Chief Minister kan nei a, chu pawh Kristian a ni. Arunachal-ah MLA 12 kan neih atangin mi 4 te hi Kristian MLA te an ni. Congress sawrkar lai erawh chuan Kristiante tan Minister post pek an ni ngai lo. Chuvang chuan Mizoram mipuite pawhin lo hria se ka duh chu BJP hi Kristiante tan a hlauhawm lova, a hlauhawm ngai bawk hek lovang.  Chumi entirna tha tak chu State dang 6 a BJP leh BJP kaihhruai sawrkar din naah hian a chiang a ni. BJP chuan India mi kan nihna ah hian chiang ila, inpumkhatna tha leh zual nei ila, Kristian Hindu, Muslim leh sakhaw  dang biate pawhin India ram hi ka ram a ni kan tih theih theuh hi kan duh ber a ni. BJP chuan sakhua zawng zawng a zahin a ngai hlu vek a, Congress chuan Politics khelhna hmanrua atan  sakhaw hrang hrang inngeih lovin awm sela, tih hi an duhthusam a ni  a, chu chu remchangah lo hman hi an tum dan leh chin thin dan a ni. Keini erawh chuan sakhaw tinah inremna, hmangaihna leh induhsaktawnna hi thleng se la, chu chu chawinun zel ni se tih hi kan duhthusam a ni.

Pu Himanta chuan tun 2018 inthlan lo awm tur ah Mizoramah BJP hlangin kan ding anga Mizo mipuite zarah sawrkarna  kan siam theih ngei pawh ka ring a, Mizo mipui smart leh fel tak te hian sawrkar tha neih hi in chanvo a ni a, chumi Sorkar tha leh hmasawnna dik thlen turin BJP Sorkar kan mamawh a ni, chuvangin Mizoram mipui te tun inthlan a BJP Sorkar theih nan a thawhpui atan ka sawm tak meuh meuh che u a ni a ti bawk.