"2028 ah kan sorkar leh dawn niin a lang a, kan khingpuite hian Policy tha zawrh tur an la sawi thei lo a, an tih ber chu ZPM Sawichhiat hi a ni," ~ Dy Speaker

Aizawl | Nov 7, 2026: Buhchangphai leh Phaisen Unit buatsaihin Member Thar Lawmluh Programme, Buhchangphai ah hman a ni.

He hun hi John Zonuntluanga, Buhchangphai Unit President - in a kaihruai a, Buhchangphai leh Phaisen ZPM Unit Report ngaihthlak a ni.

Agri Minister PC Vanlalruata chuan Member thar te chu lawm takin ZPM Memberah a lawm lut a. Minister chuan, Vawiin a Ram rawngbawl tura kan thawhpui thar turte inthlahrung lo a,intheihna zawng zawng sengin thawk ho i la, Kan Chief Minister Pu Lalduhoma kaihhruaina hi Mipuiten anla ring tawk a, an la ring zel bawk ang, Kan luihnar hi a fim a, a mawng lam thlengin a fim a ni tih ka tiam duh che u ni, a ti a.

Kolasib Bialtu MLA Deputy Speaker Lalfamkima pawhin thu sawiin, '2028 ah kan sorkar leh dawn niin a lang a, kan khingpuite hian Policy tha zawrh tur an la sawi thei lo a, an tih ber chu ZPM Sawichhiat hi a ni, a ti a ni.

Serlui bial hmuitu Minister PA Lalmalsawma Fanai (MSa) pawn thusawina hun neiin "Serlui bial chhungah hma kan sawn zel a, 2028 hnehna kan chan ngei theih nan thawh hona tha i nei ang u" tiin Party hruaittute fuihna hun a nei bawk a ni.

PHAISEN ATANGIN MEMBER 176 leh BUHCHANG ATANGIN MEMBER 32 TE LAWMLUH AN NI.

CONGRESS ATANGA UNIT HRUAITU LEH VC MEMBER MITHAR LAWM LUH TE

1. Pc. Lalhmuaka (Congress Unit Vice President) te chhung Member 5

2. Lalhmangaiha (Congress Unit Treasurer) te chhung Member 4

3. Zomuankima (Congress Unit Financial Secretary)

te chhung Member 3

4. Ramtanmawia (Congress V/C Member)

Chhungkaw Member - 5

Lalnunfela Renthlei, Serlui South Block President chuan lawmthu sawina hun a nei bawk.

He Programme hi ZPM General Headquarters atangin Consultant Er Vanlalneiha , General Secretary Kca leh Secretary leh Joint Secretary ten an telpui bawk a ni.