Aizawl | Oct 3, 2026: MNF chuan thuchhuah siamin, "ZPM sorkar sum enkawl dik loh avangin kuminah SASCI sum an la hmu thei lo, Chief Minister-in sawifiah rawh se," an ti.
"SASCI scheme hi India ram states zawng zawngte infrastructure lama hmasawnna atana a pung awmloa kum 50 hnua rulh tur Loan a ni a. State tinten sum hmuh that tumin an hmanhlel kumtin thin.
Kum 2023 kum tawpa ZPM sorkar alo pian atang khan SASCI ah harsatna khirh tak tak a awm nghal a. Kum 2023-24 ah sanction sa Rs 23331 Lakh an ti lapsed vek a. Kum 2025-26 ah Rs 11152 lakh an ti lapsed leh bawk.
Tun kum kal mekah sorkar kum chanve kan hmang zo tawh chungin Mizoram sorkar chuan SASCI 2026-27 atan chengkhat mah sum ala hmulo tih RTI zawhna dt 1.10.2026 a Deptt of Expenditure, Finance Ministry in a chhannaah chiang taka sawilan a ni. RTI chhanna copy chu dah a ni.
ZPM Sorkara CM leh FM nihna chelhkawptu Pu Lalduhoma hian Sorkar sum enkawl dan a thiamlo mai ni lovin pawisak nei miah lova Central sorkar sum tam tak a hmanna tur taka hmang nghal lova hlawhah leh thil danga a hman hmasak zet thin vanga SASCI a harsatna hi lo thleng ta niin alang. MNF Party chuan Mizoram sorkar chu kum hmasa lamah pawh SASCI sum ataka pechhhuak silova UC a siam mai thin hi a pawi kan ti a. Tunhnuah chuan kan monitor tlat dawn a, sum pechhuak lova UC a siam leh a nih chuan Central sorkar-a a thlenna turah kan thlen zel dawn a ni. Kumin sorkar kumah hian thla 6 zet kan hmang zo tawh a. North East states dang 7 ten SASCI sum Vaibelchhe sangbi an hmuh vek tawh laia Mizoramin ‘dere’ pawh kan la hmu velo hian ZPM sorkar sum enkawl danah thil diklo lian tak a awm tih a chiang a. MNF party chuan CM leh FM nikawp Pu Lalduhoma hian sawifiah ngei se kan ti a ni," tiin an thuchhuah chuan a tarlang.
Mizo National Front
General Headquarters
Aizawl, Mizoram
Press Release
ZPM SORKAR SUM ENKAWL DAN DIKLO VANGIN KUMIN AH SASCI SUM AN LA HMU THEI LO!! CHIEF MINISTER HIAN SAWIFIAH RAWH SE. Lo- MNF
SASCI scheme hi India ram states zawng zawngte infrastructure lama hmasawnna atana a pung awmloa kum 50 hnua rulh tur Loan a ni a. State tinten sum hmuh that tumin an hmanhlel kumtin thin.
Kum 2023 kum tawpa ZPM sorkar alo pian atang khan SASCI ah harsatna khirh tak tak a awm nghal a. Kum 2023-24 ah sanction sa Rs 23331 Lakh an ti lapsed vek a. Kum 2025-26 ah Rs 11152 lakh an ti lapsed leh bawk.
Tun kum kal mekah sorkar kum chanve kan hmang zo tawh chungin Mizoram sorkar chuan SASCI 2026-27 atan chengkhat mah sum ala hmulo tih RTI zawhna dt 1.10.2026 a Deptt of Expenditure, Finance Ministry in a chhannaah chiang taka sawilan a ni. RTI chhanna copy chu dah a ni.
ZPM Sorkara CM leh FM nihna chelhkawptu Pu Lalduhoma hian Sorkar sum enkawl dan a thiamlo mai ni lovin pawisak nei miah lova Central sorkar sum tam tak a hmanna tur taka hmang nghal lova hlawhah leh thil danga a hman hmasak zet thin vanga SASCI a harsatna hi lo thleng ta niin alang. MNF Party chuan Mizoram sorkar chu kum hmasa lamah pawh SASCI sum ataka pechhhuak silova UC a siam mai thin hi a pawi kan ti a. Tunhnuah chuan kan monitor tlat dawn a, sum pechhuak lova UC a siam leh a nih chuan Central sorkar-a a thlenna turah kan thlen zel dawn a ni. Kumin sorkar kumah hian thla 6 zet kan hmang zo tawh a. North East states dang 7 ten SASCI sum Vaibelchhe sangbi an hmuh vek tawh laia Mizoramin ‘dere’ pawh kan la hmu velo hian ZPM sorkar sum enkawl danah thil diklo lian tak a awm tih a chiang a. MNF party chuan CM leh FM nikawp Pu Lalduhoma hian sawifiah ngei se kan ti a ni.
Sd/-
(VL KROSSHNEHZOVA)
General Secretary
MNF General Headquarters
No. 548/2026
Dt. 03. 10. 2026
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: