Serchhip District-ah dan lova kuhva phurh luh Cheng Nuai 63 man hu man

Serchhip | October, 2026: Mizoram Police Serchhip DEF, East Lungdar Beat Post leh North Vanlaiphai Police Station te chuan tukin dar 7:30 vel khan East Lungdar-ah Myanmar atanga tawlh ruk nia hriat, kuhva rah (Foreign Origin Dry Areca Nut) bag tam tham tak an man.

Kuhva rah an mante hi bag 280, (Kg. 21,000) niin, cheng nuai 63 (Rs. 63,00,000/-) man vel ni a chhut a ni.

Heng kuhva rahte hi Truck 3-ah phurh niin MZ-04-9575 khalhtu Lalnunpuia (30) s/o Lakkunga, Ruantlang, hnen atangin bag 120 (Kg. 9,000); MZ-01/N-6267 khalhtu John Langzathang (19) s/o Vunginkhupa, Vengthar, Champhai hnen atangin bag 80 (Kg. 6,000) leh MZ-02/A-8799 khalhtu Laldanmawia (19) s/o Lalrohlua, Tlangsam hnen atangin bag 80 (Kg. 6,000) man a ni.

Driver leh an lirthei-te leh kuhva mante hi dan anga hmalak zui zel turin Customs Preventive Force, Keitum hnenah hlan an ni.