PUC Alumni Day 2026 hmang

Aizawl | Oct 30, 2026: Pachhunga University College Alumni Association chuan vawiin 30 October 2026 (Zirtawpni) khan PUC Alumni Day, College Campus-ah an hmang.

PUC Alumni Day hawnna inkhawm hi President, Pu Lalbiakthanga Khiangte, IPS(Rtd) in a kaihruai a, Dr Margareth Z Khiangte, Vice Principal, PUC-in thuchah sawiin PUC atanga zir chhuak tawhte chu ram leh thangthar zelte tana tangkai zel turin a chah. Zirlaite leh zir chhuak tawhte tan Interaction Session buatsaih a ni a. He hunah hian Speaker pali (4) awmin, an zinga pathum - K Lalmuanpuii (Proprietor, Lenbuang Handloom & Handicraft), Prof Dr C Vanlalhlua (Professor of General Surgery, ZMC&H, Falkawn) leh PL Liandinga (Mizo Literary Award 2026 Recipient) te hi he College atanga zir chhuak te an ni a. Anni bakah hian Shivani Mohan, IAS, sawm a ni bawk. Zirlaite nen inkawmhona hun tha tak hman zui a ni bawk.

Chawhnu lamah hruaitu thar inthlan a ni a. Runway Show leh Concert a awm bawk. Runway Show-ah hian Miss PUC leh PUC chhuakn model-te an tel a.

PUC Alumni Day sponsor Bana Kaih, Mizoram Handholding Scheme atanga thusawitu Dr. K.C. Lalmalsawmzauva, Adviser to CM (Implementation of Handholding Policy) chuan Khawvel geopolitics inlumlet zel karah kan dinhmun sawhngheh nan Mizoram-in Economic Nationalism uar zawka kalpui a ngai tih a sawi a, "Kan State budget 80% chuang Central kuta awm reng mai te hi kan tihtlem a ngai. Mahni keaa ding thei turin kawng tin rengah kan tan a ngai," a ti.

PUC Alumni Association hian kumin June ni 26 khan Reiek Ai Tlang bul velah thingphun hnatlang an lo nei tawh a. Nikum lamah pawh khan Hmuifang bulah engemaw zat an an phun tawh bawk.