Mizoram 9 Ball Pool Championship 2026 - Women & Junior (Under 21) a hmawr bawk, Lunglei player an chungnung!

Aizawl | Oct 3, 2026: Mizoram Snooker And Billiards Association (MSBA) buatsaih Mizoram 9 Ball Pool Championship 2026 - Women & Junior (Under 21) chu nimin tlai khan a hmawr bawk a ni a, Lunglei player te an chungnung a, women-ah Zonunsangi leh Mipa Junior-ah Joseph R Lallawmawma, Lunglei player ve ve an champion a ni.

Zonunsangi

Hmeichhe final hi race to 4 a khelh niin, Zonunsangi hian a khelhpui Melody Vanlalpeki 4 - 2 a hnehin a champion a. Zonunsangi leh Melody Vanlalpeki hian Frame li la tur hian an inlehthal zak zak a ni.

Melody Vanlalpeki

Mipa final-ah hian, Joseph R Lallawmawma, Lunglei leh Alfred Lalnunfela, Aizawl te an inhmachhawn a, Joseph-a'n frame a la hnem hle a, 4 - 1 a chakin, Lunglei lama Pool player fapa hian, fahrin manhla a nih zia lantirin under 21-a a chungnun zia a lantir a ni.

Joseph R Lallawmawma

Hmeichhe pual bika Championship leh Mipa under 21 hi a vawi khatna a ni a, Hmeichhia mi 12 niiin, mipa hi 21 an ni thung a, Hmeichhe match zawng zawng hi 15 niin mipa hi match 37-ah zawh a ni.

He hunah hian, MSBA President Lalbiaksanga chuan thu sawiin, "MSBA-in Women & Junior (Under 21) championship a buatsaih vawikhatnaa player hetiang zat in lo tel thei hi kan lawm a, hma hunah khel chhunzawm zel turin kan ngenin kan sawm che u," a ti a. "National level-ah MSBA-in Women leh Junior player tirh chhuah ve theih hun kan lo thlir thin chu a tak a thleng tawh dawn niin a lang a, chumi thlen tir thei tur chuan theihtawp chhuah zel turin ka duh che u a ni," a ti bawk.