Manipal Hospital Mukundapur chuan Aizawl-ah Neurological leh Spine natna pung zel chungchanga enkawl dan hrang hrang an sawi

Manipal Hospital Mukundapur chuan Aizawl-ah Neurological leh Spine natna pung zel chungchanga enkawl dan hrang hrang an sawi.

Aizawl | October 9, 2026: Manipal Hospital Mukundapur chuan vawiin khan Aizawl Press Club ah Press Conference neiin neurological leh spine natna pung zel chungchang inven dan te leh a hun taka enkawlna ṭha pawimawhna hrang hrang an sawi.

He hunah hian Dr. Sukalyan Purkayastha, Director and Senior Consultant - Neurointervention & Endovascular Surgery, Manipal Hospitals East Region, leh Dr. Anindya Basu, Senior Consultant and Clinical Lead – Spine Surgery, Manipal Hospital Mukundapur te an tel a. Chanchinbumite nena inkawmna ah hian damdawi lama harsatna thleng mek, enkawlna lama hmasawnna leh thudik leh tunlai thiamna hmanga inenkawl dan hrang hrang an sawi a ni.

Neurological natna pung zel chungchangah Dr. Sukalyan Purkayastha chuan Neurological natna, a bik takin stroke chu mihringte damna leh khawsakna chungah harsatna lian zawk a thlen tih sawiin harsatna lian tak pakhat chu an natna hriat chhuah hun a tlai leh damdawi inah tlai taka kal hi a ni a ti a, hei hian in enkawl leh damchhuah kawngah danglamna tam tak a thlen thei tih sawiin Stroke-ah chuan a hun takah

enkawl a pawimawh hle a ti a, damlo tan a hma apiang a pawimawh tih a sawi.

Manipal Hospitals-ah hian neurology lama harsatna hrang hrang nei te hlawhtling taka enkawl alo ni tawh a, hmarchhak bial aṭanga damlo enkawl dam pawh an awm nual tawh a ni.

Spinal disorder leh hnung nâ(back pain) pung zel chungchangah Dr. Anindya Basu chuan Spinal disorders leh hnung nâ(back pain) chu kum bithliah hrang hrangah a hluar hle tih sawiin hnathawhna avanga taksa tih hrehawm, thau lutuk(obesity) leh degenerative conditions-te chuan mihring taksa ah harsatna a thlen tih sawiin harsatna chu kum tlem zawk leh hnathawktu te zingah hmuh tur tam tak a awm a, an nunphung leh an hnathawh naah nghawng nasa tak a nei thei tih a sawi.