LPR-6 ni li-naah lehkhabu 735 hralhin cheng 1,69,435 lalut

Aizawl | October 20, 2026: Mizo Writers Association in Lehkhabu Pho runpui (LPR-6) a buatsaih chu tluang takin kalpui zel a ni a. Vawiin October ni 20 2026 (Thawhlehni) kha sorkar office chawlh ni mahse, lehkhabu pho runpuiah hian Rs 1,69,435 man hralh leh a ni a, lehkhabu chi hrang hrang 735 hralh a ni.

Kum liamta LPR – 5 ni li-naa pawisa hmuh kha Rs 1,07,330/- a ni a, vawiin LPR-6 ni li-naa lehkhabu hralhna aṭanga pawisa hmuh Rs 1,69,435 hi, kum hmasa a ni li-na aiin Rs 62,105 in a tam leh zawk tihna a ni.

LPR – 6 ah ni li chhunga lehkha bu hralhna aṭang hian a vaiin Rs 7,86,617 hmuh a ni tawh a, kum liamta khan lehkhabu hralhna aṭangin a vaiin Rs 10,11,733/- hmuh a ni a, kuminah hian ni li chiah inpho la ni mah se, nikuma lehkhabu hralhna hmuh zawng zawng a la phâk lohna hi Rs 2,25,116 a nih avângin, ni li dang la inpho turah hian mipuiin an hlut dan enin kum hmasaa sum hmuh zawng zawng hi a khûm ngei rin a ni.

Kum hmasa LPR -5 ni li chhunga lehkhabu hralhna hmuh hi, kumin LPR-6 a ni li chhung, ni tin lehkhabu hralhna nena khaikhinin, kuminah hian ni tin a tam zawk zel bawk tihna a ni.

Kum hmasa leh kumin khaikhinna

LPR – 5 (2025)

1. Rs.1,69,588/-

2.Rs.1,73,755/-

3. Rs.1,35,650/-

4. Rs.1,07,330/-

LPR – 6 (2025)

1. Rs.2,07,850/-

2. Rs.2,25,137/-

3. Rs.1,84,195/-

4. ⁠Rs.1,69,435/-

MWA chuan lehkhabu leitute hnenah lawmthu an sawi a, October ni 24, 2026 thleng Vanapa Hall hulhliapah an inhawng dawn a, lehkhab chi hrang 1000 chuang, ṭha tak tak pho chhuahte hi a duh apiangin lei zel turin mipui an sawm thar leh a ni.