LPR-6 ah ni thum chhungin lehkhabu cheng 6,17,182 man hralh tawh, LPR-5 ni thum hralhna aiin cheng nuai khat chuangin a tam tawh!

Aizawl | Oct 19, 2026: Lehkhabu Pho Rûnpui thawh rukna (LPR-6)-ah ni thum chhungin lehkhabu cheng 6,17,182 man hralh a ni tawh. LPR-6 ah ni thum chhungin lehkhabu cheng 6,17,182 man hralh tawh, LPR-5 ni thum chhunga hralhna sum belhkhawm aiin cheng nuai khat chuangin a tam tawh!

Mizo Writers Association (MWA) buatsaih Lehkhabu Pho Rûnpui (LPR-6) chu vawiin Oct 19, 2026 (Thawṭanni) khan Vanapa Hall-ah neih leh niin, cheng 1,84,195 man hralh leh a ni. LPR -6, ni thum chhung hian lehkhabu hralhna aṭangin cheng 6,17,182 hmuh a ni tawh.

LPR-6 ni thum chhunga lehkhabu hralhna hi, kum liamta LPR -5 ni thum chhung belhkhawm aiin cheng 1,38,219 in a tam tawh zâwk.

Kum hmasa LPR -5 ni thum nia hralhna hi Rs 1,35,650 a ni a, vawiin LPR - 6 ni thum nia hralhna hi Rs 184,195 niin, ni thumna ni bikah hian kum hmasa aiin Rs 48,545 in hralh a tam zawk a ni.👏

Mizo Writers Association chuan lehkhabu leisaktu ṭhalai, zirlai, nu leh pa leh mipuite chungah lawmthu an sawi a ni. Lehkhabu Pho Rûnpui hi October ni 24, 2026 thleng neih tur a ni a, Zirtawpni zanah dar 9 thleng hawn leh tur a ni a, zan dangah chuan chawhma dar 10 aṭanga zan dar 6 thleng hawn ṭhin a ni.