Lirthei chesualah mi pathum thi, doordarshan hotute an thi!

Aizawl | Oct 1, 2026: Doordarshan hotute chuanna lirthei chu Zanin dar 6:10 vel khan, Aizawl lam atanga Sateek pelh kawng zal laiah, kawng thlangah an chuanna Bolero a tlan liam a, kawng atangin motor hi a lang pha lo.

He bolero accident-ah hian mi 4 an chuang niin hriat a ni a. Mi 4 chuang zinga hnamdang 2 leh Mizo pakhat an boral. Mi pakhat hnamdang a dam khawchhuak a, dam khawchhuak hi a biak theih niin thudawnna chuan a sawi.

Nunna chante hi Press Information Bureau (PIB) & Central Bureau of Communication (CBC) Regional Office, Imphal-a Additional Director General nilai Dr Engam Pame IIS, Aizawl Doordarshan-a Director (News) Mr Nampi Bou Marinmai IIS, leh H Lianvela, Chawlhhmun te an ni.

An chetsualna kham hi a sangin chhengchhe hle a. Ruang leh hliam lak chhuah a khirhkhan hle a. An tlakna kham hnuai thleng turin hel kual fe a ngai a, kawng zawng chawpin ruang an la chhuak a ni.

Zanin 8:30 vel khan Ruang hi an la chhuak kim tawh niin thu dawn a ni a, Sateek-ah thlahna tawi te an siam anga ZMC lamah rawn phei pui dawn niin thudawnna chuan a tarlang.