"ZPM sorkarna hnuaiah mipui dinhmun a him lo!" ~ MPYCC

Aizawl | Sept 2, 2026: Mizoram Pradesh Youth Congress Committee (MPYCC) chuan vawiin khan thuchhuah siamin, "ZPM sorkarna hnuaiah mipui dinhmun a him lo!" an ti.

"Mualthuam North tleirawl nunna hlu tak laksaktu a puh Denghmingthanga, Police kuta a awm lai leh kutkawl pawh a bun lai renga mipui mimir tan pawha him lo thei tura a tlan chhuak thei hi Congress Thalai (MPYCC) chuan mak a tiin pawi a ti takzet a. Tun hnai a Jail tang tlan chhuak an awm ta fo mai hi Home Minister chak loh leh inthlahdah vang niin a hria a ni," an ti.

Tu sawrkarah pawh Jail tang tlan chhuak hi an awm thin a, sawrkar dinhmun atangin za ah za inven chu a harsa ang tih a hriat theih a ni. Mahse, MNF leh ZPM Sawrkar kum reilote chhunga Jail tang tlanchhuak an tam ta lutuk leh an duh hun huna Jail tang te an tlanchhuak ta mai emaw tih tura a awm hi a pawi tak zet a ni. Kum 2022 atang August 2026 chhungin Mizoram jail hrang hrang aṭangin tang tlan chhuak mi 74 an awm a. ZPM sorkar kum hnih leh a chanve chhung lek hian jail tang tlan chhuak an awm tam tawh hle. Jail tang tlan chhuak zingah pawngsual leh tualthat thubuaia tang (life convict), rukruk leh in rawk ching an nih fur avang hian ZPM sorkar hian Mizoram mipui dinhmun himlo ah a dah mek a ni.

Hetiang a nih lai hian Mizoram Legislative Assembly Budget Session February ni 26, 2024 khan Home Minister Pu K. Sapdanga Mizoram Jail dinhmun chhiat dan leh siamthat a tul zia sawiin, Jail tangte chu zanah nula rima chhuak thinin zan rei tawh hnuah jail-ah an rawn haw leh mai thin, niin a sawi a. Hei hian amah leh a department chan ngei mualpho takin a siam a, a department chan a hneh loh zia mipui hmaah a tarlang a. He mi hnu lamah pawh a khat tawka Jail tang tlanchhuak an awm tak fo avang hian Home depertment ah hmasawnna leh insiam that tumna a la awm chuang lo tih a lang chiang hlein Congress Thalai chuan a hria a ni.

Pu Lalduhoma Chief Minister in, ZPM PAC hmanga DP&AR Department Pu K.Sapdanga a chhuhsak leh a hmaa DM&R dept a lo chhuhsak tawh te pawh kha Home Minister in a department chan te a hneh loh em avang a, CM thahnem ngai lutuk ruhmanna a ni zawk em? tih hi Congress Thalai zawhna ani.

ZPM sorkar chuan Mizoram chhunga Jail hrang hrang te chu District Prison & Correctional Home tiin a hming a thlak a. Mipui bumna atana hming thlak ringawta term hmang zo lo tur leh a tak taka hnathawk turin Congress Thalai chuan ZPM sorkar a hriattir a ni.

MIZORAM PRADESH YOUTH CONGRESS COMMITTEE

Hqrs : Aizawl, Mizoram

No.MPYCC/Mz-B/2026/PR/102 Dated: Aizawl, the 2nd September, 2026

-----------------------------------

*PRESS RELEASE*

*ZPM SAWRKARNA HNUAIAH MIPUI DINHMUN A HIM LO*

Mualthuam North tleirawl nunna hlu tak laksaktu a puh Denghmingthanga, Police kuta a awm lai leh kutkawl pawh a bun lai renga mipui mimir tan pawha him lo thei tura a tlan chhuak thei hi Congress Thalai(MPYCC) chuan mak a tiin pawi a ti takzet a. Tun hnai a Jail tang tlan chhuak an awm ta fo mai hi Home Minister chak loh leh inthlahdah vang niin a hria a ni.

Sd/-

(LALTLANKIMA RALTE)

General Secretary

Media & Publicity, Information

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]