"ZPM Sorkarin kawng a siam theih loh avangin kawng siamin kan hnatlang," ~ MNF Dampa East Block

Aizawl | Sept 17, 2026: Reiek kawng, Reiek leh Chungtlang peng inkar hi Pu Lalduhoma kaihruai ZPM sorkar hian a ngai pawimawh lo hle a, kawng chhe laite a siamtha thei lo hi Mizo National Front Dampa East Block chuan vanduaithlak kan ti hle a, hnatlanga thawh chhuah hial a lo ngai ta a ni.

He kawng hi Aizawl lam atanga Mizoram khawthlang lam panna kawng pawimawh tak a ni a. Kawng a chhiat em avangin damlo, tar chaklo leh nu nau khualzinte tan harsatna a thlen nasa bik a, an khawngaihthlak thin hle a, sorkar hmalakna chak loh vangah kan ngai a ni. Two Wheeler leh Car pangngai phei chu a kal hleih theih loh a ni.

Vawiin Dampa East Block MNF hnatlangah hian mi 100 chuang zet an thawk chhuak a ni.

MNF chuan, 'He lai kawng hi Tourist hmun pawimawh panna a ni a, khualzinte tan kal harsa khawpin kawng a chhia a, Mizoram hmel lanna kawng pawimawh tak anih bakah kan hma lawka Anthurium Festival leh Chhimthlang Presbytery lo awm turah veivahna kawng pawimawh a ni bawk a, chuvangin vawiin September ni 16, 2026 (Nilaini) hian MNF Dampa East Block hmalaknain he kawng siamtha tur hian Khawrihnim, Chungtlang leh West Lungdar MNF Unit bakah Reiek atangin kan hruaitu thenkhatte nen, mahni hmanraw neih ang ang kengin kan thawk chhuak a ni," tiin an thuchhuahah an tarlang.

"Vawiin kan hnatlanna kan hman Lung (boulder) trip engemaw zat min tum saktu Dr R Lalthangliana Dampa bialtu MLA chungah lawmthu kan sawi tak meuh a. He lai kawng chhe lutuk siamtha thei lo ZPM sorkar leh a bikin, PWD Minister pawh Dampa East Block MNF chuan na takin kan dem a, kum 15 daih kawngpui tha min tiamtu Pu Duhoma sorkar hian he lai kawng hi tha taka ngaihven turin kan phut a ni,"

"Vawiina kan hnatlang tur thawm an hriat avanga ngaih theih turin, a hma zawng pawha thawh chhuah tum si lo, vawiin kan hnatlan ni ngeiah he kawng enkawltu PWD Aizawl Road South Division atangin Pick up pakhat leh Labour 10 vel kawng siam tura an rawn thawk chhuak ve hi ropui kan ti a, an chungah Dampa East Block MNF chuan lawmthu kan sawi takzet bawk a ni," an ti.

Mizo National Front

Dampa East Block

Mizoram

Press Release No-1 of 2026

ZPM SORKARIN KAWNG A SIAM THEIH LOH AVANGIN MNF DAMPA EAST BLOCK KAWNG SIAMIN HNATLANG

Reiek kawng, Reiek leh Chungtlang peng inkar hi Pu Lalduhoma kaihruai ZPM sorkar hian a ngai pawimawh lo hle a, kawng chhe laite a siamtha thei lo hi Mizo National Front Dampa East Block chuan vanduaithlak kan ti hle a, hnatlanga thawh chhuah hial a lo ngai ta a ni. He kawng hi Aizawl lam atanga Mizoram khawthlang lam panna kawng pawimawh tak a ni a. Kawng a chhiat em avangin damlo, tar chaklo leh nu nau khualzinte tan harsatna a thlen nasa bik a, an khawngaihthlak thin hle a, sorkar hmalakna chak loh vangah kan ngai a ni. Two Wheeler leh Car pangngai phei chu a kal hleih theih loh a ni.

He lai kawng hi Tourist hmun pawimawh panna a ni a, khualzinte tan kal harsa khawpin kawng a chhia a, Mizoram hmel lanna kawng pawimawh tak anih bakah kan hma lawka Anthurium Festival leh Chhimthlang Presbytery lo awm turah veivahna kawng pawimawh a ni bawk a, chuvangin vawiin September ni 16, 2026 (Nilaini) hian MNF Dampa East Block hmalaknain he kawng siamtha tur hian Khawrihnim, Chungtlang leh West Lungdar MNF Unit bakah Reiek atangin kan hruaitu thenkhatte nen, mahni hmanraw neih ang ang kengin kan thawk chhuak a ni.

Vawiin kan hnatlanna kan hman Lung (boulder) trip engemaw zat min tum saktu Dr.R.Lalthangliana Dampa bialtu MLA chungah lawmthu kan sawi tak meuh a. He lai kawng chhe lutuk siamtha thei lo ZPM sorkar leh a bikin, PWD Minister pawh Dampa East Block MNF chuan na takin kan dem a, kum 15 daih kawngpui tha min tiamtu Pu Duhoma sorkar hian he lai kawng hi tha taka ngaihven turin kan phut a ni.

Vawiina kan hnatlang tur thawm an hriat avanga ngaih theih turin, a hma zawng pawha thawh chhuah tum si lo, vawiin kan hnatlan ni ngeiah he kawng enkawltu PWD Aizawl Road South Division atangin Pick up pakhat leh Labour 10 vel kawng siam tura an rawn thawk chhuak ve hi ropui kan ti a, an chungah Dampa East Block MNF chuan lawmthu kan sawi takzet bawk a ni.

Vawiin Dampa East Block MNF hnatlangah hian mi 100 chuang zet kan thawk chhuak a ni.

Sd/-

(RORELLIANA)

Secretary

Dampa East Block

Mizo National Front

Dt.16.09.2026.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]