". . . ZPM President thar Pu Lalduhoma'n President a nih sawimawina atana Pathian leh Isua chanchin a sawi dan hi Kohhran Upa a nihna hlih sakna tham leh Kohhran zirtirna leh thurin palzutna dik tak a ni . . . " ~ MPYCC

Aizawl | Sept 22, 2026: ZPM chhung inkhawm Sept 21-a ZPM hruaitu thar puannaah Chief Minister Lalduhoma'n an party kal dan mumal lo lutuk sawi mamna atan, "Pathian meuh pawhin thuthlung a thlak fo thin a. Lal Isua ngei pawhin ngaihdan a thlak fo bawk", a tih hi Congress Thalai (MPYCC) chuan Kohhran zirtirna leh thurin palzutna dik takah a ngai a. Hetianga Kristian state-a ram hruaitu lu berin a sawi hian India Ram Kohhran hrang hrang thurin leh Presbyterian Kohhran thurin (Doctrines) II-naa, Pathian chu a miziaah te, finnaah te, thiltihtheihnaah te, thianghlimnaah te, diknaah te, thatnaah te, taknaah te leh hmangaihnaah te tawp chin nei lo, chatuan mi, danglam ngai lo a ni, tih kan inzirtirna kalh tlatah a ngai a ni.

Pathian chu a chungnunga, a duh ti turin a zalen a, a Lal ani. Party pakhat President dinhmun inthlakthleng sawifiah nan a Pathian hman hi Kohhran upa tih a tan phei chuan thil mawilo tak ani. Kan Kohhran kalhmanga Pathian kan hmuhndan a kalh ani.

Mizoramah ram enkawlna hna tha taka thawh tumin, party hrang hrangin kan tihtur leh tih loh tur te mipui hriat turin kan sawi hlawm a. ZPM phei chuan an tih ve hlek loh tur, an MLA Candidate ten Pathian leh mipui hmaa dingin, chhechham meuha intiamin, 'min enchhin rawh u', an ti a ni.

Hetiang avang hian mipui pawhin beiseina sang tak neiin kan thlang tling a. Mahse an intiamna ang an bawhchhiat fai vek avangin, in sawimamna atan Kohhranin min zirtirna pawh a ni lo zawnga kaihlek a, Pathian meuh pawh danglam mai mai, Isua Kristia pawh ngaihdan thlak mai mai thin, a tih loh tur ti leh hnuhnawh thin anga a sawi mai hi Kohhran thurin leh zirtirna pawisak lohna leh palzutnaah Congress Thalai chuan a ngai a ni. ZPM sorkar hnuaiah kan sakhua, kan hnam leh kan ram him loh zia lantirtu ah chuan a ngai a, a rang thei ang bera Kohhran leh mipui hnena ngaihdam dil turin Congress Thalai chuan a phut a ni.

MIZORAM PRADESH YOUTH CONGRESS COMMITTEE HQRS., AIZAWL: MIZORAM

No.MPYCC/Mz-B/2025-2026/110 Dated Aizawl the 22nd September, 2026

PRESS RELEASE

".....ZPM President thar Pu Lalduhoma'n President a nih sawimawina atana Pathian leh Isua chanchin a sawi dan hi Kohhran Upa a nihna hlih sakna tham leh Kohhran zirtirna leh thurin palzutna dik tak a ni...."

-MPYCC

Ni 21.9.2026 (Thawhtanni)-a ZPM chhung inkhawma ZPM hruaitu thar puanna ah Chief Minister Pu Lalduhoma'n an party kal dan mumal lo lutuk sawi mamna atan, "Pathian meuh pawhin thuthlung a thlak fo thin a. Lal Isua ngei pawhin ngaihdan a thlak fo bawk", a tih hi Congress Thalai(MPYCC) chuan Kohhran zirtirna leh thurin palzutna dik takah a ngai a. Hetianga Kristian state-a ram hruaitu lu berin a sawi hian India Ram Kohhran hrang hrang thurin leh Presbyterian Kohhran thurin (Doctrines) II-naa, Pathian chu a miziaah te, finnaah te, thiltihtheihnaah te, thianghlimnaah te, diknaah te, thatnaah te, taknaah te leh hmangaihnaah te tawp chin nei lo, chatuan mi, danglam ngai lo a ni, tih kan inzirtirna kalh tlatah a ngai a ni.

Sd/-

(MALSAWMDAWNGKIMI)

Secretary,

i/c Media, Info & Publicity, Mizoram Pradesh Youth Congress Committee

Aizawl : Mizoram.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]