ZPM Party president atan CM Lalduhoma ruat; "Hun inher mil zelin ZPM pawh kan inthlak danglam chhova, CM leh Party President chelh kawp tha kan ti lova, hun eng emaw chen kan kalpui hman. Tunah erawh kan thatna tur zawk nia hriain Party thuneitu sang kal khawm chuan CM leh Party President nihna chelh kawp chu tha zawk dawnin a hre leh ta a ni," ~ CM Lalduhoma

Aizawl | Sept 21, 2026: ZPM Party president atan CM Lalduhoma ruat.

Zoram Peoples Movement (ZPM) Party General Headquarters EOB thar tur te ZPM Val Upa Council (VUC) Secretary Thanchungnunga'n vawiin 21.09.2026 (Thawhtanni) hian ZPM Party Office ah a puang.

President: Lalduhoma, Chief Miniser

Sr Vice President: Keneth Chawngliana

Vice President: Lamuanpuia Punte MLA

Treasurer: T Lalhlimpuia MLA

Kohhran ang chuan, Presbyterian, 7th Day, Salvation Army, BCM an ni.

President thar leh Chief Minister ni bawk Lalduhoma chuan thu sawiin, “Pathian kaihhruaina a zarah ZPM-in kum 10 kan lo tling ve ta reng mai a, vawiin min thlenpuitu leh sorkarna hial min thlenpuitu chu kan hruaitu kalta te an ni. ZPM a awm chhung chuan kan hre reng tawh ang. Hruaitu thar ruat chungchangah Pathian kan rawn nasa a, mi tam takin min tawngtaipui a, vawiina hruaitu thar ruatte hi VUC kaltlanga kan tawngtai chhannaah kan ngai a ni. ZPM hi Mizorama party awm zingah Val Upa Council nei awm chhun kan ni a, kawng hrang hrangah an telna tur awm lo mahse a pawimawh hunah an rawn lang thin a, tun dinhmunah pawh an pawimawh leh tangkaizia kan hria a, kan chhawr tangkai hle a ni. Chu mai ni lovin Chief Minister ruattu an ni a, inthlan hma fe atang tawhin Chief Minister tur an ruat lawk vek a, inthlan fel tawh hnuah Chief Minister tur ruat ni chauh se House Leader tur inchuhna leh thil dangah harsatna thleng thei a ni a, hetiang buaina awm thei hi ZPM chuan kan nei ve lo a ni,” a ti.

Lalduhoma chuan, “Khawvel hi a danglam reng a, danglam ve ngai lo chu danglamna a ni. Pathian meuh pawhin thuthlung a thlak fo thin a. Thuthlung hlui hun a awm a, thuthlung thar huna awm leh bawk a, Lal Isua ngei pawhin ngaihdan a thlak fo bawk. Tun hma chuan sakap thei an ngai sangin an ngaihlu thin a, tunah erawh dan bawhchhiatna a ni tawh. Tun hma chuan Birth Control (Family Planning) an thupui a, tunah erawh pian pun kan thupui leh mek tawh. Socialism buaipui hunlai te, Independent sual duh hunlai te pawh a awm. Mahse, a hnuah chuan India nena inremna daltu nia an ngaihte chu an hmelmate an ni leh bawk a. Heng thilte hi demna tur a awm lova, a hun lai mil ang zela ngaihdan leh ngaihtuahna sen a ngai thin a ni. Hun inher mil zelin ZPM pawh kan inthlak danglam chhova, Chief Minister leh Party President chelh kawp tha kan ti lova, hun eng emaw chen kan kalpui hman. Tunah erawh kan thatna tur zawk nia hriain Party thuneitu sang kal khawm chuan Chief Minister leh Party President nihna chelh kawp chu tha zawk dawnin a hre leh ta a ni. Tuna kan kalphung thar tur hi kan enchhin dawn a, a that loh chuan a tha zawk hmangin kan kal leh mai dawn a ni. Pawl leh Party hrang hrangah Committee thu ti put ru duh an awm fova, meeting thurel, a tam zawk duh dan pawm harsa ti thin an awm bawk. Pu chuam neih te, hotute tlawna tlaktlum tum thin te, intihtheih ching te, ram leh party ni lo mahni tana chakai khawrh thin te, heng zawng zawng hi ZPM party-ah chuan dinhmun sang chelh tur atan kan duh lo a ni,” tiin, “Party inlungrual tak kan nih chhung chuan pawn lam miten min tichhe thei ngai lovang,” a ti bawk.

ZPM Party chhung inkhawm leh hruaitu thar puanna inkhawm hi Rev Dr V Kapenga, Member, VUC chuan a kaihruai a, Rev Dr K Thanzauva chuan hunserh hmangin Party hruaitu tharte tawngtaisakna hun Rev Darchungnunga, VUC Member chuan a hmang a, fuihna thu Maj. Thanruma, VUC Member chuan a sawi bawk. Maj. Thanruma chuan VUC-in uluk taka ngaihtuahna an sen hnuah Party hruaitu thar an ruat thu a sawi a, “Rorel lai party tana tha tur ngaihtuah chung leh ram pum huap thil ngaihtuah chungin hruaitu thar kan ruat,” a ti a. “Ram hruaitute hi Pathian hriak thih an nih avangin a pawng a puia do ngawt chi an ni lova, theih tawpa puih tur zawk an ni. Hruaitu nihna hi hman sual tur a ni lova, chapopui chi a ni hek lo; a hunah Pathian a che mai thin,” a ti bawk.

PRESS RELEASE

ZPM General Headquarters, Mizoram, Aizawl

Media & Publicity Department

PR.No.ZPM-09/OA/2026/55

Dated Aizawl, the 21st September, 2026

ZPM PARTY PRESIDENT-AH PU LALDUHOMA RUAT A NI

Vawiin chawhma dar 11:00 khan ZPM chuan Party Office-ah chhung inkhawm hun kan hmang a, ZPM Party hruaitu (EOB) thar Prof.Thangchungnunga, Secretary, VUC chuan Dt.15.9.2026, Val Upa Council Meeting-a an rel angin heng mite hi ZPM hruaitu thar atan a puang.

President : Pu Lalduhoma

Sr.Vice President : Dr.Kenneth Chawngliana

Vice President : Pu Lalmuanpuia Punte

Treasurer : Pu T.Lalhlimpuia

President thar leh Chief Minister ni bawk Pu Lalduhoma chuan thu sawiin, “Pathian kaihhruaina a zarah ZPM-in kum 10 kan lo tling ve ta reng mai a, vawiin min thlenpuitu leh sorkarna hial min thlenpuitu chu kan hruaitu kalta te an ni. ZPM a awm chhung chuan kan hre reng tawh ang. Hruaitu thar ruat chungchangah Pathian kan rawn nasa a, mi tam takin min tawngtaipui a, vawiina hruaitu thar ruatte hi VUC kaltlanga kan tawngtai chhannaah kan ngai a ni. ZPM hi Mizorama party awm zingah Val Upa Council nei awm chhun kan ni a, kawng hrang hrangah an telna tur awm lo mahse a pawimawh hunah an rawn lang thin a, tun dinhmunah pawh an pawimawh leh tangkaizia kan hria a, kan chhawr tangkai hle a ni. Chu mai ni lovin Chief Minister ruattu an ni a, inthlan hma fe atang tawhin Chief Minister tur an ruat lawk vek a, inthlan fel tawh hnuah Chief Minister tur ruat ni chauh se House Leader tur inchuhna leh thil dangah harsatna thleng thei a ni a, hetiang buaina awm thei hi ZPM chuan kan nei ve lo a ni,” a ti.

Pu Lalduhoma chuan, “Khawvel hi a danglam reng a, danglam ve ngai lo chu danglamna a ni. Pathian meuh pawhin thuthlung a thlak fo thin a. Thuthlung hlui hun a awm a, thuthlung thar huna awm leh bawk a, Lal Isua ngei pawhin ngaihdan a thlak fo bawk. Tun hma chuan sakap thei an ngai sangin an ngaihlu thin a, tunah erawh dan bawhchhiatna a ni tawh. Tun hma chuan Birth Control (Family Planning) an thupui a, tunah erawh pian pun kan thupui leh mek tawh. Socialism buaipui hunlai te, Independent sual duh hunlai te pawh a awm. Mahse, a hnuah chuan India nena inremna daltu nia an ngaihte chu an hmelmate an ni leh bawk a. Heng thilte hi demna tur a awm lova, a hun lai mil ang zela ngaihdan leh ngaihtuahna sen a ngai thin a ni. Hun inher mil zelin ZPM pawh kan inthlak danglam chhova, Chief Minister leh Party President chelh kawp tha kan ti lova, hun eng emaw chen kan kalpui hman. Tunah erawh kan thatna tur zawk nia hriain Party thuneitu sang kal khawm chuan Chief Minister leh Party President nihna chelh kawp chu tha zawk dawnin a hre leh ta a ni. Tuna kan kalphung thar tur hi kan enchhin dawn a, a that loh chuan a tha zawk hmangin kan kal leh mai dawn a ni. Pawl leh Party hrang hrangah Committee thu ti put ru duh an awm fova, meeting thurel, a tam zawk duh dan pawm harsa ti thin an awm bawk. Pu chuam neih te, hotute tlawna tlaktlum tum thin te, intihtheih ching te, ram leh party ni lo mahni tana chakai khawrh thin te, heng zawng zawng hi ZPM party-ah chuan dinhmun sang chelh tur atan kan duh lo a ni,” tiin, “Party inlungrual tak kan nih chhung chuan pawn lam miten min tichhe thei ngai lovang,” a ti bawk.

ZPM Party chhung inkhawm leh hruaitu thar puanna inkhawm hi Rev. Dr. V. Kapenga, Member, VUC chuan a kaihruai a, Rev. Dr. K. Thanzauva chuan hunserh hmangin Party hruaitu tharte tawngtaisakna hun Rev. Darchungnunga, VUC Member chuan a hmang a, fuihna thu Maj. Thanruma, VUC Member chuan a sawi bawk. Maj. Thanruma chuan VUC-in uluk taka ngaihtuahna an sen hnuah Party hruaitu thar an ruat thu a sawi a, “Rorel lai party tana tha tur ngaihtuah chung leh ram pum huap thil ngaihtuah chungin hruaitu thar kan ruat,” a ti a. “Ram hruaitute hi Pathian hriak thih an nih avangin a pawng a puia do ngawt chi an ni lova, theih tawpa puih tur zawk an ni. Hruaitu nihna hi hman sual tur a ni lova, chapopui chi a ni hek lo; a hunah Pathian a che mai thin,” a ti bawk.

Sd/-

(BRIAN LALNUNHLIMA)

Secretary

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]