Zawlnuam-ah mipuiin hnatlangin kawng an siam

Aizawl | Sept 27, 2026: Zawlnuam Bawrai khawtlang chuan nimin kgan an veng chhung kawng,PWD road Vantlang hnatlang hmangin an siam.

KDZKT Road, Bawrai Veng, Zawlnuam Town chhung kawng chu fur ruathtui tla avangin a chhe nasa hle a. Khaw chhungah Lirthei te tangin mihring, ke a kal tan pawh kal harsa khawp a ni a. Hetiang hi vengchhung kawng dinhmun a nih avangin, Village Council chuan Khawchhung kawng chhe lai te thawm thatna turin lung(boulder)trip engemaw zat a lei a. Vantlang hnatlang ko in, heng lung hmang hian khaw chhung kawng thawm that hna hi khawtlang mipuiin hnatlang in an thawk a ni.

He kawng hi Mizoram,Assam leh Tripura te inkalpawhna kawng pawimawh tak a nih bakah, Langkaih balu phurhchhuahna kawng pawimawh tak a ni bawk.

Thudawnnain a tarlan danin, KDZKT Mamit District Road, PWD Kanhmun Sub-Division hnuaia Patch repair na tur awm hi tender vat a nih a, kumin thal chhung ngeia kawng thawm that hna hi tan hman ni thei se an duh thu Bawrai Village Council te chuan an tarlang tel bawk.

Nimina hnatlang hi khawtlang mipuiin an ngaipawimawh em em a, mi 242 lai he hnatlangah hian an thawk chhuak a ni.