Vairengte-a leimin avanga in chimin mi pahnih hnawl, pakhat a thi!

Aizawl | Sept 12, 2026: Vairengte Zalen Vengah, Nizan leh tukin lam thlenga ruahtui tla nasa avangin tukin zing dar 4 vel khan Liantea In (semi pucca building) leh a kawmthlang chiaha a fa te in (assam type) luah lai chu, an chhak lam leimin a hnawl a, Liantea tupa Zodingliana (13) chu in chim hian a delh hlum a, tukin zing dar 7:30 vel khan in chim kar atangin Zodingliana ruang hi lak chhuah a ni.

Semi pucca building hi Liantea te chhungkaw luah niin, a fapa in hrang chang tawh Chala ten an fin a. He in-ah hian member 8 an khawsa a ni.

In neitupa Liantea leh a fapa Chala te hi an hliam a na deuh a, Silchar damdawi in lam pan tura refer an ni.

Liantea kawmthlang chiahah hian a fapa (boral tawh) assam type In a awm bawk a, chhungkaw khatin an luah a ni.

Lei a rawn chet a, an kawmchhak in a rawn tluk thlak dawn mek lai chuan, thawm hriain an insaseng hman hlauh a, assam type in-a chengte hi an him vek a ni.

- Vanneihthanga

Source : GF Lalduhkima VCP Vairengte 2

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]