Aizawl | Sept 12, 2026: Siaha DC Video Conference Hall-ah Women & Child Development, Siaha District huaihawtin "Project Genesis" chu Siaha Deputy Commissioner VL Hruaizela Khiangte chuan nimin khan a tlangzarh.
He hunah hian Hepaw Hlychho, Child Development Project Officer (CDPO) Siaha chuan "Project Genesis" chungchang sawifiahna leh an hmalak zel dan tur sawifiahna a nei.
Project Genesis hi DC Office, Health & Family Welfare Department leh Women & Child Development Department tangkawpa hmalaknaa kalpui tur a ni.
Project Genesis tlangzarhtu Siaha District Bawrhsap VL Hruaizela Khiangte chuan, Project Genesis chu India in Ram hmasawn nih a tumna (Viksit Bharat 2047) hmalakna peng pawimawh tak a ni, a ti a. Nu leh naute hriselna chu ram changkang tehfung pawimawh tak a ni tiin sawrkar laipui pawhin a ngai pawimawh takzet a ti bawk.
Project Genesis hi Districta tlangzarh a nih atangin hmalakna kalpui nghal tur a ni a, khaw thlan bik sawmpakhatah ngawrh taka kalpui nghal tur a ni.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: