Saitual | September 17, 2026: Swachh Bharat Mission hnuaia Mahatma Gandhi piancham puala kum 2017 atanga kum tina neih thin, faina hnatlangpui 'Swachhata Hi Seva 2026' chu Tukin khan Saichal pengah SDC J Lalawmpuia'n a hawng.
He hunah hian J Lalawmpuia chuan thu sawiin, faina kawngah Saitual chuan hma a sawn hle a ni, a ti a, khawtlang mipuite leh sawrkar department-ten thawhhona tha an neih vang a ni, a ti. SDC chuan faina kawngah tan la a, theih tawp chhuah chhunzawm zel turin kalkhawmte chu a fuih a ni.
Vawiin inkhawmah hian District Urban Development Officer (DUDO) C Lalhmingsangi, leh Sr. EE, PHE Er Lalpektluanga te pawh telin khawtlang mipuiten faina kawngah tha taka an thawhpui thin avangin lawmthu an sawi a, thawhhona tha tak an neih zel an beisei thu an sawi bawk.
Swachhata Hi Seva 2026 Campaign hi September 17 - October 2, 2026 chhunga neih tur a ni a, hemi chhung hian Saitual District hmun hrang hrangah faina hnatlangpui neih a ni dawn a, Sawrkar pisa leh zirna in hrang hrangte tihfai a ni ang.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: