"Official documents-ah chuan ‘Memorandum of Settlement’ ti a ziah a ni,"

Aizawl | September 1, 2026: Mizoram Assembly session thukhawm August 25 leh 27-a neih zawh taka Champhai North MLA H Ginzalala'n Remna Thuthlung (Memorandum of Settlement) chungchanga, "He Remna Thuthlung hi 'Memorandum of Agrement' tiin CM Pu Lalduhoma’n Law students te hmaa thu a sawinaah a sawi a, a sawi dik em?" tia zawhna chu, Home Minister K Sapdanga chuan, "Official documents-ah chuan ‘Memorandum of Settlement’ ti a ziah a ni," tiin a chhang.

"Remna Thuthlung (Memorandum of Settlement) kha tu ten nge ziak ?" tih pawh, K Sapdanga chuan, "Memorandum of Settlement hi Pu Laldenga, MNF leh Pu RD Pradhan, Union Home Secretary leh Pu Lalkhama, Chief Secretary, Govt. of Mizoram te’n an ziak,: tiin a chhang bawk.

Remna Thuthlung (Memorandum of Settlement) chungchang.

H Ginzalala: Remna Thuthlung (Memorandum of Settlement) kha tu ten nge ziak ?

K Sapdanga: Memorandum of Settlement hi Pu Laldenga, MNF leh Pu RD Pradhan, Union Home Secretary leh Pu Lalkhama, Chief Secretary, Govt. of Mizoram te’n an ziak.

H Ginzalala: Central Sorkar, Mizoram Sorkar leh MNF aiawhin tuin nge sign ?

K Sapdanga: Memorandum of Settlement ah hian Pu Laldenga’n MNF aiawhin a ziak a, Pu RD Pradhan leh Pu Lalkhama te hian eng aiawhin nge an hming an ziah tih tarlan a ni lo.

H Ginzalala: He Remna Thuthlungin a sawi ang ngeiin India Danpui tihdanglam a ni zui em ?

K Sapdanga: Ni zui e.

H Ginzalala: He Remna Thuthlung hi Memorandum of Agreement tiin CM Pu Lalduhoma’n Law students te hmaa thu a sawinaah a sawi a, a sawi dik em?

K Sapdanga: Official documents-ah chuan ‘Memorandum of Settlement’ ti a ziah a ni.

H Ginzalala: Memorandum of Settlement tih a dik zawk em?

K Sapdanga: Official documents-ah chuan ‘Memorandum of Settlement’ ti a ziah a ni.

H Ginzalala: He Remna Thuthlung zawm hian MNF ten ralthuam an tung ta em ?

K Sapdanga: Tung ta e.

(Mizoram Peace Accord chungchanga thlalak dang HETAH a awm e.)

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]