NHM Mizoram leh Jhpiego ten Mizoram Health System tih chakna turin inremna ziak

National Health Mission, Government of Mizoram leh Jhpiego ten Mizoram Health System tih chakna tur in Memorandum of Association (MoA) an sign.

Aizawl | September 9, 2026: National Health Mission (NHM), Health & Family Welfare Department, Govt. of Mizoram leh Johns Hopkins University hnuaia Global Health Organization, Jhpiego te chuan Mizoram chhunga Health System tih chak leh hmasawnna turin thawhhona thuthlung (Memorandum of Association (MoA) chu Health Minister Lalrinpuii pisa-ah Dr R Lalchhuanawma, Mission Director, NHM Mizoram leh Jhpiego India Country Director, Dr. Amit Shah ten Minister hriatpuinain hming an ziak.

He programme hi Lalnunmawii, Additional Secretary, Health & Family Welfare Department in kaihhruaiin kalkhawm chhan leh kalkhawmte chibai bukna a nei a. Jhpiego India Country Director, Dr. Amit Shah an MoA in a tum chi hrang hrang sawifiahna leh inhmelhriattirna a nei a. NHM, Mizoram nena thawhhona tha tak neih ngei a beisei thu leh Mizoram mipuite tan rah tha a chhuah ngei a duh thu a sawi.

Dr R Lalchhuanawma, Mission Director, National Health Mission chuan Jhpiego te nen thawhhona tha tak an lo neih tawh avanga lawmthu sawiin Comprehensive Health Care-ah nasa taka hmasawnna hmuh tur a awm tawh thu a sawi a. MoA sign a ni ta hi lawmawm a tiin Mipuite rawngbawlna kawngah Health Department in hma nasa taka a sawn ngei a beisei thu a sawi bawk.

Minister chuan he MoA sign theih a nih hi a lawmawm hle tih a sawi a. Mizoram Sawrkar nen thawk dun turin Jhpiego-in a commitment a nei chu a lawmawm a tih thu a sawi. Mizoram-a health system tih chakna tur leh mipuite hriselna tha zawk a thlen theihna turin thawhhona tha leh chak a pawimawh hle tih pawh a sawi bawk.

He MoA sign hian Mizoram sorkar leh Jhpiego te’n thawhhona changtlung zawk neih, Mizoram health system tih hmasawn leh tihchangtlung zel theihna turin hmalakna atan rahbi pawimawh tak a ni a ti a. He thawhhona hian Mizoram-a hriselna lam hmasawn zelna turin puih ngei beisei a ni.

He inremna hi Comprehensive Primary Health Care, Nutrition, Reproductive, Maternal, Newborn, Child and Adolescent Health (RMNCAH+A), Communicable leh Non-Communicable Diseases te pawh telin, health lama thil pawimawh hrang hrangah thawhhona leh in tanpui tawnna tur a duan a ni.

Dr. Lily Chhakchhuak, Director of Health Services, Health & Family Welfare Department chuan MoA sign fel a nih avang leh hmasawnna rahbi thar Rahna tur thil a nih avang leh programme hlu tak hman a ni chu lawmawm a tiin Health Department Official kalkhawm te hnenah lawmthu sawiin programme a khar a ni.