MZP-in Sorkar ngenna avang leh mipuite hmakhaw ngai chungin Sept 17-a hnam dang enkawl pump khar an tum ṭhulh rih

Aizawl | Sept 16, 2026: MZP chuan zanin khan thuchhuah siamin, Sept 17-a hnam dang enkawl pump khar an tum chu Sorkar ngenna avang leh mipuite hmakhaw ngai chungin an ṭhulh rih tih an sawi.

Mizoram Home Secretary Vanlalmawia, IAS kaihhruaina hnuaia vawiin September 16, 2026-a All Mizoram Petroleum Dealers Association (AMPEDA) leh Mizo Zirlai Pawl (MZP) General Headquarters hruaitute thukhawmin a rel angin, AMPEDA chuan MZP laka an thilphutte an hnuklet leh ta a, September 17-a Petrol Pump khar an tum tawh pawh an thulh ta a ni. Naktuk September 17, 2026 atanga Mizoram chhunga hnam dang enkawl leh hnam dangte thawhna Petrol pump khar tura MZP Headquarters, Sub-Headquarters, Branch leh Hnampual zirlai pawl a kan thawhpuite hnena hriattirna MZP-in a lo tihchhuah tawh chu *Mizoram Sawrkar ngenna avang leh mipuite hmakhaw ngai chungin tihtawp rih* a ni. Heng hnamdang pump enkawlte chungchangah hian MZP chuan a tul angin hma ala la chhunzawm zel dawn a ni.

MZP chuan, Hnam dang Mizo hming hawh leh hnam dang (vai) sumdawng an rawn pung chho zel hi a vei tak zet a, MZP Assembly lo awm turah pawh, ”Mizo hming hawha hnam dang sumdawn tirte na taka hremna dan Sawrkarin siam se, a tul anga dap chhuah thin ni rawh se” tih chu rel tur zingah dah tel niin, a tul angin Assembly rorel bawhzui hian MZP chuan hnamdang sumdawngte dapchhuah kawngah hma ala chhunzawm dawn a ni.

MZP chuan, Mizoram leh hnam himna atan theihtawp a lo chhuah tawh thin a, kan ram kan hnam a him zel theihna turin hma a la chhunzawm zel dawn bawk a. Mizo mipuite pawh sum leh paia hlawkna ringawt um lova, kan ram himna leh kan hnam damna tur atan kan hming leh ram te hnamdang hawhtira, sumdawnna atan hman tir lo turin a ngen a. A tul anga dapchhuah kawngah Zoram mipuite thawhpuiah a sawm a, abik takin Village/Local Council leh tlawmngai pawl hrang hrangte a sawmin a ngen a ni. Tin, sumdawnna atana mahni hming hawh tir mekte pawh, ram leh hnam a lo him zawk theih nan hnamdang an thawhpuina titawp vek turin MZP chuan a ngen nghal bawk.

No. E-93/MZP-GHQ/2025-2027/54

Dated Aizawl, the 16th September, 2026

PRESS RELEASE

Mizoram Home Secretary Pu Vanlalmawia, IAS kaihhruaina hnuaia vawiin September 16, 2026-a All Mizoram Petroleum Dealers Association (AMPEDA) leh Mizo Zirlai Pawl (MZP) hruaitute thukhawmin a rel angin, AMPEDA chuan MZP laka an thilphutte an hnuklet leh ta a, September 17-a Petrol Pump khar an tum tawh pawh an thulh ta a ni. Naktuk September 17, 2026 atanga Mizoram chhunga hnam dang enkawl leh hnam dangte thawhna Petrol pump khar tura MZP Headquarters, Sub-Headquarters, Branch leh Hnampual zirlai pawl a kan thawhpuite hnena hriattirna MZP-in a lo tihchhuah tawh chu *Mizoram Sawrkar ngenna avang leh mipuite hmakhaw ngai chungin tihtawp rih* a ni. Heng hnamdang pump enkawlte chungchangah hian MZP chuan a tul angin hma ala la chhunzawm zel dawn a ni.

Issued by : Mizo Zirlai Pawl, General Headquarters, Aizawl

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]