Mizo UFC fighter kan nei hnai em?

Aizawl | Sept 22, 2026: Khawvel a fight promotion agency tha berte zing ami Iridium chuan Lalnunsanga contract an sign-pui. Iridium hi Las Vegas, USA-a hmunpui nei niin UFC fighter chher chhuah hi an thupui ber a ni a, khawvel pumah beiseiawm a an hriatte chu an sign-pui thin. Fighter lar an agency hnuaia awmte chu Brandon Moreno, Sean Strickland, Josua Van, Alexa Grasso leh a dangte an ni.

Lalnunsanga hi Mizoram State MMA Association fighter tha berte zing ami niin Coach Samuel Lalrozama hnuaiah SPES Martial Art Academy, Dawrpui a training a ni a, kum 2027-2028 chhung a performance azir in UFC lamah luh tir ngei an tum thu Iridium hian an sawi. Chumi tur chuan Road to UFC emaw UFC Contender series emawah fight a nei dawn a ni.

Lalnunsanga hi vawi hnih national champion ni tawhin professional fight a neih tawhah hneh loh a la nei lo a, December 2026 hian LFC title a chuh dawn a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]