"Mizo hnam damna leh himna hi kan thupui ber ni fo rawh se," MNF Treasurer Lalruatkima

Aizawl | Sept 29, 2026: Tuirialah Aizawl East I Block MNF tlawhchhuah Programme MNF Treasurer Lalruatkima hovin vawiin khan hman a ni a, thusawiin, MNF te hian kan din chhan kan hriat chian a pawimawh a, Zofate rorelna pakhat hnuaia kan awmna tura theihtawp chhuah mek kan nihna hi kan theihnghilh a thianglo. Unau inhmangaih tur, dam leh tlang khatah, thih leh ruam khatah tih thuvawn neitu kalzel kan ni, tih hria kqn hnam dam leh himna hi kan thupui ber ani tih hi kan theihnghilh a remlo, a ti.

MNF chuan luipui kama chengte hamthatna leh dam khawchhuahna a theihnghilh ngai lova, forest dan in minringte kan zalenna a khuahkhirh mek avanga harsatna tawh mek te sukiang turin, kan dam khawchhuahna tura, kan nitin nun hman zelna turin theihtawp a chhuah dawn a ni. Mizo hnam neitu kan nih tlat avangin kan nitin nunah Mizo hnam damna leh himna hi kan rilru chhungril luah bertu tur a ni. Veng tinah MNF chu a rinawm, a rinngam, a taima tur, tih leh hnam rilru an pu tlat min tihna tura kan nun kan siamthat deuh deuh a tul. Kum 1966 a Mizo Nationalism, huaisenna leh inpekna rilru kha vawiinah kan kaihharh leh a tul a ni. Hnam rilru pu reng si, kaihharh an nih loh avanga MNF lam la hawilote hawi tir hi kan mawhphurhna a ni, a ti bawk.

AMC hmasa hna thawh kalmek leh ruahman te chu ZPM in thuneihna an chan ve leh an tikhaihlak nghala,

SASCI atanga sum puk pawh MNF leh Congress Ward te chu an sem ve duh lo bawk. Kalphungthar, mipui sawrkar min tiamtute khawsak phung hi kan dem takzet a. An kalphung zahthlak tak hi siamtha se kan duh takzet a ni. Hetiang kalphung thalo tak hi MNF in Pathian leh Mipui zara sawrkarna kan chan ve leh mi zawng zawng huapin, thleibik nei lo sorkar kan din dawn a ni, Pu Ruatkima chuan a ti bawk.

He hun hi Pu Kalvari Tlangmawia, President, Aizawl East I MNYF-in kaihhruaiin, Upa Thangluaia, Tuirial Airfield in hunserh a hmang a, MNF General Headquarters atangin Er. Lalrinawma, Gen. Secy. & Ex-Minister, Prof. F. Lalnunmawia, Gen. Secy & Ex-MLA, Pu LT Kima Fanai, General Secy., Pu VL Krosshnehzova, Gen. Secy., leh Pu Vanlalneia, Secy. & Ex-Corporator, AMC te kalin, anni hnen atang hian fuihna thu tha tak tak ngaihthlak a ni bawk. Aizawl East I Block atangin Unit, Group leh Block hruaitute, MNF VC/LC memberte bakah member thahnem tak an kalin, thu tha tak tak an sawi a ni.

Mizo National Front

General Headquarters

Aizawl, Mizoram

Press Release

*Mizo hnam damna leh himna hi kan thupui ber ni fo rawh se*

- Lalruatkima

Treasurer, MNF

Vawiin ni 29, September 2026 hian Tuirialah Aizawl East I Block MNF tlawhchhuah Programme Pu Lalruatkima, Treasurer MNF hova hman a ni a, thusawiin, MNF te hian kan din chhan kan hriat chian a pawimawh a, Zofate rorelna pakhat hnuaia kan awmna tura theihtawp chhuah mek kan nihna hi kan theihnghilh a thianglo. Unau inhmangaih tur, dam leh tlang khatah, thih leh ruam khatah tih thuvawn neitu kalzel kan ni, tih hria kqn hnam dam leh himna hi kan thupui ber ani tih hi kan theihnghilh a remlo, a ti.

AMC hmasa hna thawh kalmek leh ruahman te chu ZPM in thuneihna an chan ve leh an tikhaihlak nghala,

Sd/-

(B. LALHMANGAIHZUALA)

Secretary

MNF General Headquarters

No. 544/2026

Dt. 29. 9. 2026

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]