"Kut hnathawktute leh thalaite rilrem zawnga kalin sorkar leh ngei kan tum," ~ Dr Thangtea

Aizawl | Sept 25, 2026: Aizawl North 1 MNF Block huaihawtin vawiin khan Bawngkawn Chhim Veng YMA Hall-ah 'Headquarters Tlawhchhuah Programme leh inhmelhriatna' neih a ni a. He hun hman puitu MNF Senior Vice President Dr.R.Lalthangliana MLA chuan tun hma chuan kum 10 danah sorkar a inthlak thin thute sawiin, tunah chuan thil a inthlakthleng zo tawh a. Keini pawh 2018- 2023 (kum 5) kan sorkar hnu khan beisei loh takin kan tla a. ZPM pawh nizan thlengin an Val Upa Council thlengin an inbansan ta zel a. Kum 2028-ah ZPM hian an beisei ang an pha bik dawn lo, keini chuan kut hnathawktute leh thalaite rilrem zawnga kal thiam a, ZPM sorkar paih thlain sorkar leh ngei kan tum a ni, a ti.

Dr R Lalthangliana chuan kum 10 chuang zet kal ta a, SEDP kan duan kha tunah chuan siam ṭhat a lo ngai ta a, a aia tha kan duang mek a, kan zo tep tawh. Kut hnathawktute, a bikin thingtlang lonei mite mumal leh hlawk leh zualin chawikanna tur kan duang mek a. Thlai hralh thei loh leh dah ṭawih mai maite awm tawh lovin mechanise a, tunlai mil ang zela ram pawna hralh chhuah tlaka sawngbawl te, thalai lehkhathiam leh thiam lote tan eizawnna ngelnghet nei tura ruahmanna tha tak kan ngaihtuah bawk. Aizawl khawpui chhungah mirethei kan tam em em a, hengte dawm kanna tur atan hian ruahmanna tha tak kan siam bawk, sem ni kher lovin bul tanna tur ngaihtuahsak kan tum a ni, a ti.

Mithiam rualte nen ruahmanna kan siam hi puan chhuah kan hmanhmawh vak lo, a hun takah kan puang mai ang. Khawvel ram changkang zawkah pawh manifesto an puang nghal mai ngai lo. Midangten kan tih tur entawnin an ti ve thei tih kan hria a, a hun takah kan puang mai ang, a ti.

Keini chuan CM Adviser leh induhsakna bikna a inruat vak vak hi development a ni lo tih kan hria a, kan duh ve lo. Corruption fihlim sorkar a takin kan lantir bawk ang, Dr.Thangtea chuan a ti bawk.

Senior Vice President hi MNF NCC Ramthanmawia MLA, PAC member R Lalhnuna, TJ Lalnuntluanga, Dr Lalrinzuali te bakah hruaitu dangten an tawiawm a. He hun hi Lalrinmawia Sailo Block President chuan a kaihruai a, Saithankhuma Block Vice President chuan hunserh a hmang. Block huam chhunga MNF Unit hrang hrang 26-ten Unit dinhmun report an pe ṭheuh bawk.

Mizo National Front

General Headquarters

Aizawl : Mizoram

Press Release

KUT HNATHAWKTUTE LEH THALAITE RILREM ZAWNGA KALIN SORKAR LEH NGEI KAN TUM : DR.R.LALTHANGLIANA, SENIOR VICE PRESIDENT

Vawiin September ni 25, 2026 (Zirtawpni) hian Aizawl North 1 MNF Block huaihawtin Bawngkawn Chhim Veng YMA Hall-ah 'Headquarters Tlawhchhuah Programme leh inhmelhriatna' neih a ni a. He hun hman puitu MNF Senior Vice President Dr.R.Lalthangliana MLA chuan tun hma chuan kum 10 danah sorkar a inthlak thin thute sawiin, tunah chuan thil a inthlakthleng zo tawh a. Keini pawh 2018- 2023 (kum 5) kan sorkar hnu khan beisei loh takin kan tla a. ZPM pawh nizan thlengin an Val Upa Council thlengin an inbansan ta zel a. Kum 2028-ah ZPM hian an beisei ang an pha bik dawn lo, keini chuan kut hnathawktute leh thalaite rilrem zawnga kal thiam a, ZPM sorkar paih thlain sorkar leh ngei kan tum a ni, a ti.

Dr.R.Lalthangliana chuan kum 10 chuang zet kal ta a, SEDP kan duan kha tunah chuan siam ṭhat a lo ngai ta a, a aia tha kan duang mek a, kan zo tep tawh. Kut hnathawktute, a bikin thingtlang lonei mite mumal leh hlawk leh zualin chawikanna tur kan duang mek a. Thlai hralh thei loh leh dah ṭawih mai maite awm tawh lovin mechanise a, tunlai mil ang zela ram pawna hralh chhuah tlaka sawngbawl te, thalai lehkhathiam leh thiam lote tan eizawnna ngelnghet nei tura ruahmanna tha tak kan ngaihtuah bawk. Aizawl khawpui chhungah mirethei kan tam em em a, hengte dawm kanna tur atan hian ruahmanna tha tak kan siam bawk, sem ni kher lovin bul tanna tur ngaihtuahsak kan tum a ni, a ti.

Keini chuan CM Adviser leh induhsakna bikna a inruat vak vak hi development a ni lo tih kan hria a, kan duh ve lo. Corruption fihlim sorkar a takin kan lantir bawk ang, Dr.Thangtea chuan a ti bawk.

Senior Vice President hi MNF NCC Pu Ramthanmawia MLA, PAC member Pu R.Lalhnuna, Pu TJ. Lalnuntluanga, Dr.Lalrinzuali te bakah hruaitu dangten an tawiawm a. He hun hi Pu Lalrinmawia Sailo Block President chuan a kaihruai a, Pu Saithankhuma Block Vice President chuan hunserh a hmang. Block huam chhunga MNF Unit hrang hrang 26-ten Unit dinhmun report an pe ṭheuh bawk.

Sd/-

(R.LALHMANGAIHA)

Secretary

Media & Publicity Deptt

Mizo National Front

Memo No.537/2026

Dt.25.09.2026

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]