Joshua Van a bon, a bon zia fiah nan a vawi hnih nan Pantoja a hneh!

Aizawl | Sept 20, 2026: Ultimate Fighting Championship (UFC) Flyweight Champion lai Joshua Van chuan India sanaa tukin khan, a kawnghren a humhim a, a ropui zia a than belh tir.

Joshua Van hian Khawvela bawn ber tia sawi thin Pantoja chu vawi hnihna atan tukin khan hneh a. An intum hmasak khan inhliam avangin a tawp a. Paper champ an ti luai luai a. Mahse, hei le a dinhmun dik tak fiahin a awm ta a, chiang takin a hneh ta e.

Alexandre Pantoja pui zia hi mi tam ta sawi leh hrilhfak a tling a, Joshua Van-in a tum hnih nana a hneh ngat hian, Joshua van ropui zia a nmnghet chiang hle niin an sawi.

Joshua Van (Joshua Van Bawi Thawng) hi October 10, 2001 a piang niin, Burmaah a piang a, tunah hian USA-ah a awm a, Aizawl a rawn tlawh tawh a, Mi lawm a hlawh a, mixed martial art lam tuite ngaihsan a hlawh hle a ni.

Sports Minister Lalnghinglova Hmar chuan, "Joshua Van Bawi Thawng ka lawmpui e.

UFC Flyweight champion kawnghren humhim a, khawvela ṭha bera chhal ṭhin Alexandre Pantoja a zawna a hneh thei hi a ropui a, a chhuanawm takzet a ni," tiin facebook-ah a lawmpuina thu a post.

Los Angeles khawpuia Crypto.com Arena-a UFC 331-ah Joshua van chuan unanimous decision hmangin Alexandre Pantoja a hneh a, vawi hnih an inhmachhawn-naah hian Van hian a hneh nawn a, Flyweight title a humhim a ni.

Heti hian Van hian (18-2) records nei tain, Pantoja hian (30-7) records a nei ta a, thla 9 liam ta khan anni pahnih hi an inhmachhawn a, second 26-na lekah Pantoja ban hliam avangin fight tihtawp a ni.

Van leh Pantoja inhmachhawn vawi hnihna hi a hmuhnawm ngang mai. Round 5 khelh a ni a, Van hian a hnek chhuak hnem a, Pantoja lu-ah a hneh fuh hnem hle. Hetih lai hian Pantoja erawhin takedown a tum thin a, takedown hlawhtling chu nei nual mah se, Van a inveng thiam em em a, ding chungin an insual hnem zawk a ni.

UFC FLYWEIGHT history-a chak zawn rei te:

13 - Demetrious Johnson

08 - Joshua Van

08 - Alexandre Pantoja