hnam dang thlavang hauh leh thurualpuitute avanga AMPEDA inti ten Petrol pump an khar chhung hian, hnam dang sumdawn tir ve lo Mizote inkhar ve lo turin kan ngen ~ MZP

Aizawl | Sept 10, 2026: MZP chuan vawiinnkhan thuchhuah siamin, "hnam dang thlavang hauh leh thurualpuitute avanga AMPEDA inti ten Petrol pump an khar chhung hian, hnam dang sumdawn tir ve lo Petrol pump neitu Mizote chu inkhar ve lo turin kan ngen a, mipuite pawh heng hnam dang sumdawn tirtute hi hnualsuat a, dawr chhunzawm lo ngam turin MZP chuan a ngen a. Sawkar pawhin, heng dan dik lova sumdawngte hi dap chhuak a, an sumdawn phalna tih tawp sak turin MZP chuan a ngen nghal bawk, an ti.

All Mizoram Petroleum Dealers Association (AMPEDA) inti ten nimin September ni 9, 2026 (Nilaini)-a thuchhuah an siam chungchangah Mizo Zirlai Pawl (MZP) hming lo lang chungchangah, MZP chuan Mizo mipui te hriatah thil sawichian ngaiin a hria a.

MZP chuan, September Ni 23 - 25 2026 hian Darlawn-ah Assembly a nei dawn a, chumi atan chuan LT Brothers Filling station, Keifang te chuan Assembly atan hian sum an rawn thawh a, tihluihna leh kut inthlakna pakhat mah a awm lo. He Petrol Pump hi Pu Lalthanzauva ta ni thin, Sandeep, Haryana hnenah a hralhin, pawisa pawh an inhlan fel vek tawh thu hriat a ni. Tunah hian a enkawl tur hian manager atan Nitesh-a an hmang mek a ni.

Mizoram-a Petrol Pump tam tak hi a hmun leh license Mizo ni si, hnam dang (vai) in a an enkawl, a neitu nihna nei tam tak an awm a, Mizo te hian hnam dang(vai) nen a in rem siamin sum tam tak hlawhin an ram leh license hi an hmantir nasa hle a ni. MZP chuan heng hnam dang Mizo hming hawha petrol Pump nei te hi a hre vek a, Political party a inhmang tak takte pawh an awm a, MZP chuan a tul angin hengte hi enzuiin hma a la zel dawn a ni.

MZP Assembly lo awm turah pawh Mizo mahni hming hawha sumdawn tirte chungchang hi a ngaihtuah dawn a, "Mizo hming hawha hnam dang sumdawn tirte na taka hremna dan Sawrkarin siam se, a tul anga dap chhuah thin ni rawh se" tih chu agenda atan dah a ni.

Hetianga hnam dang thlavang hauh leh thurualpuitute avanga AMPEDA inti ten Petrol pump an khar chhung hian, hnam dang sumdawn tir ve lo Petrol pump neitu Mizote chu inkhar ve lo turin kan ngen a, mipuite pawh heng hnam dang sumdawn tirtute hi hnualsuat a, dawr chhunzawm lo ngam turin MZP chuan a ngen a. Sawkar pawhin, heng dan dik lova sumdawngte hi dap chhuak a, an sumdawn phalna tih tawp sak turin MZP chuan a ngen nghal bawk a ni.

Issued by : Mizo Zirlai Pawl : General Headquarters