Diocese Catholic Ṭhalai Pawl leh YWCA buatsaihin HIV / AIDS do nana Trainer-te intahhriamna hun hmang

Diocese Catholic Ṭhalai Pawl leh YWCA buatsaihin HIV / AIDS do nana Trainerte intahhriamna hun hmang

Aizawl | Sept 19, 2026: Diocese Catholic Ṭhalai Pawl leh Young Women Christian Association (YWCA) of Aizawl tangkawp buatsaihin vawiin khan St Thomas Hall, Ramhlun North ah ‘Faith Based Organisations Response to HIV / AIDS in Mizoram Training of Trainers’ chu hlawhtling taka neih ho a ni.

He hunah hian Diocese Catholic Hmeichhe Pawl leh Catholic Mipa Pawl te aiawh member te pawh an lo kal bawk a. He hunah hian Mizoram Kohhran te chu Khawngaihthei Kohhran kan nih pawimawh zia te sawi ho a ni a, HIV/AIDS natnain a tihbuai mek te tana Hmangaihna lantir apawimawh zia te sawi ho a ni a. Discussion hun hlawkthlak tak hman ho a ni bawk.

He hun hi Diocese Catholic Ṭhalai PawlGeneral Secretary Antony Lalremdika’n a kaihruai a. DCṬP Treasurer Daisy Zomuankimi'n Bible chhiar leh ṭawngṭaina hun a hmang bawk.

YWCA of Aizawl President Dr A Lalchhandami Fanai chuan inhmelhriattirna leh hun kan hman ho chhan te leh YWCA din chhan te sawi zauna hun a nei bawk. YWCA of Aizawl General Secretary Christina Malsawmkimi'n Training Manual Orientation hun a hmang a, Training Manual bu chungchang leh hman ṭangkai theih dan tur te sawi hawn a ni.

YWCA National Board Member Lalmuan Puii'n kal khawm te chu activity hlimawm tak a hmanpui bawk a. YWCA of Aizawl Board Member Zothansangi'n sawihona hun a kaihruai a. DCṬP President Samuel Lalfakzuala’n hun tawp chu ṭawngṭaina nen a khar.