CHANCHINBU AWM TAWH LO EDITOR!

David Sailo

23rd September 2026

Mizoram State University chu Lungleiah a awm a remlohna Sermon thiam taka kan ngaihthlak hnu ah Lungleia a awm a rem leh si thu, thiam takin min fah leh a. A hmunhma pawh tih fel a la ni lo a, 2028 ah te hian awmzia nei hman tawh tak maw?

UNIVERSITY AWMLO UNIVERSITY IV-GRADE :

University ber pawh kum 2028 ah hian awmzia nei hman tawh tak maw kan tih laiin IV-Grade hna lakah chuan kan lo Advance khawp mai. Kumkhat dawn liam tawh, September 2025 ah buaipui a lo ni daih tawh a, University ber awm hma hauhin IV-Grade 6 lai mai lak fel der tawh a nih chu !!

Heng hnathawk tur lak te hi an thawhna ber tur Building pakhat pawh la awm hek lo le, College awmsa dangah thawh kual tir mek an ni. IV-Grade 6 hi he Mizoram State University dinna tura hna lak pawimawh leh hmanhmawhthlak No.1 chu a ni phawt mai. Chanchinbu awm tawh lo Editor te nen a thuhmun viau a ni.

HNA LAK DAN CHHUNGKHAT INDUHSAKNA :

Heng hna lakna hi Chanchinbu vantlangah hmuh tur a awm lova, Chanchinbu hriat lar mang loh pahnih, News Link leh Youth Herald ah te chhuah a ni a, ṭhalai hna zawng tam takin an hmu in a rinawm loh. Chuvangin Written Exam pawh awm lo, University pawh la awm lo a thawk tur lakna ah hian "Miin an hre zau reu reu ang" tih rilru inphum a awm ngeiin a lang. Vanglaini leh Aizawl Post ah te chhuak se zawng, tun ai hian ngaihventu pawh a nei tam zawk ngei ang !!

He hna lakah hian Minister chhung hnaivai tak lak an awm bawk a, hnaivai tak a ni !! Written awm hek lo, Advertisement chhuah pachhe bawk si karah chuan "Chhung leh khat..." tih kan chham dual dual kha mausâm a awl viau ta ve ang.

TLIPNA :

Lehkhaah hian IV-Grade hmanhmawh taka lak chhan a inziak a, a pawmawm fahran em?

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]