"An thisen far tawp thlenga rinawm taka Zoram chhan nana an tawrhna avangin, Zofate chimrala awm mai tur chhan chhuah a kan awm hi a ropui hle a ni," ~ Ex-MNA & PAMRA

Aizawl | Sept 19, 2026: Co-Ordination Committee on Ex-MNA Assn and PAMRA chuan vawiin khan thuchhuah siamin, MNF chuan March ni 1, 1966 khan Independence puangin zalenna a sual a, Zoram leh hnam chhan nan mi tam takin an nunna hlu tak an hlan a. Chung Martarte pual chuan kum tinin September ni 20-ah MARTAR NI hman thin a ni. "An thisen far tawp thlenga rinawm taka Zoram chhan nana an tawrhna avangin, Zofate chimrala awm mai tur chhan chhuah a kan awm hi a ropui hle a ni," an ti.

"Mizo fate Pathianin min siam chhan ang a mahni ke a kan din chhuah theih nan leh min awpbettu lak ata tal chhuak a, chhim leh hmar chhak leh thlang a mite Rorelna pakhat hnuaia kan len za theih nan, MNF chuan March ni 1, 1966 khan Independence puangin zalenna a sual a, Zoram leh hnam chhan nan mi tam takin an nunna hlu tak an hlan a. Chung Martarte pual chuan kum tinin September ni 20-ah MARTAR NI hman thin a ni.

Kuminah Martar Ni a lo thlen hian Mizo Hnam Sipai Co-Ordination Committee on Ex-MNA leh PAMRA te chuan Mizo Mipui zawng zawng te chibai kan buk che u a, Martarte zahna chibai kan buk a, chawimawina kan hlan bawk a. An thisen far tawp thlenga rinawm taka Zoram chhan nana an tawrhna avangin, Zofate chimrala awm mai tur chhan chhuah a kan awm hi a ropui hle a ni. 

MNF khan zalenna kha sual lo ta se, kan thenawm State a mi, Tripura, Cachari leh Khasi te ang maiin mahni ramah a neitu awmin kan awm ngam tawh lovang. 

Martarte khan tu emaw pawl bik leh Party bik tan nun hlan an ni lova, Mizo hnahthlak zawng zawng tan an nun hlu tak an hlan a ni. Chuvangin Mizo tawh phawt chuan kan Hnam Martarte i chawimawi ang u. 

Kumin Martar Ni September Ni 20 hi Chawlhni a nih avangin, a tuk September Ni21, 2026 ah hman tur a ni a, Martarte hlutna hre rengin, anmahni chawimawi ila, Ram leh hnam tan in hlan tharna Ni ah i hmang theuh ang u.

Martarten hetiang hian thu min chah

“Ram leh Hnam tan a nunna pe ta ten; 

Kan thawh theih tawk te chu thawk zovin; 

Thangtharte chhunzawm zel atan, 

An kutah kan hlan ta."

CO-ORDINATION COMMITTEE ON EX-MNA ASSOCIATION AND PEACE ACCORD MNF RETURNEES ASSOCIATION

PRESS RELEASE

MARTAR TE I CHAWIMAWI ANG U

Mizo fate Pathian in min siam chhan ang a mahni ke a kan din chhuah theih nan leh min awpbettu lak ata tal chhuak a, chhim leh hmar chhak leh thlang a mite Rorelna pakhat hnuaia kan len za theih nan, MNF chuan March ni 1, 1966 khan Independence puanginzalenna a sual a, Zoram leh hnam chhan nan mi tam takin an nunna hlu tak an hlan a. Chung Martarte pual chuan kum tinin September ni 20-ah MARTAR NI hman thin a ni.

Kuminah Martar Ni a lo thlen hian Mizo Hnam Sipai Co-Ordination Committee on Ex-MNA leh PAMRA te chuan Mizo Mipui zawng zawng te chibai kan buk che u a, Martarte zahna chibai kan buk a, chawimawina kan hlan bawk a. An thisen far tawp thlenga rinawm taka Zoram chhan nana an tawrhna avangin, Zofate chimrala awm mai tur chhan chhuah a kan awm hi a ropui hle a ni. 

MNF khan zalenna kha sual lo ta se, kan thenawm State a mi, Tripura, Cachari leh Khasi te ang maiin mahni ramah a neitu awmin kan awm ngam tawh lovang. 

Martarte khan tu emaw pawl bik leh Party bik tan nun hlan an ni lova, Mizo hnahthlak zawng zawng tan an nun hlu tak an hlan a ni. Chuvangin Mizo tawh phawt chuan kan Hnam Martarte i chawimawi ang u. 

Kumin Martar Ni September Ni 20 hi Chawlhni a nih avangin, a tuk September Ni21, 2026 ah hman tur a ni a, Martarte hlutna hre rengin, anmahni chawimawi ila, Ram leh hnam tan in hlan tharna Ni ah i hmang theuh ang u.

Martarten hetiang hian thu min chah

“Ram leh Hnam tan a nunna pe ta ten; 

Kan thawh theih tawk te chu thawk zovin; 

Thangtharte chhunzawm zel atan, 

An kutah kan hlan ta."

”Pathian leh kan ram tan"

Sd/-

(LALCHHUANAWMA)

Secretary

Co-Ordination Committee on Ex-MNA Assn and PAMRA

Dt. 19. 09. 2026