ZPM-in Elected OB thar turte inthlang lovin an ruat dawn

Aizawl | August 26, 2026: ZPM-in Elected OB thar turte inthlang lovin an ruat dawn

Vawiin chawhma dar 11.00 khan ZPM General Headquarters Executive Committee Meeting vawi 8-na Vanapa Hall, Aizawlah neih a ni a. Tuna ZPM Elected Office Bearers (EOB) ni laite an 'term' a tawp dâwn tâk avangin hruaitu thar tur te chu inthlang lovin, a ruata ruat ni se tih lungrual takin an pawm tlang a ni.

'Term' thara ZPM General Headquarters Elected Office Bearers (EOB) thar tur ruattu tur atana Val Upa Council (VUC) te kuta dah rawtna chu Executive Committee Meeting hian a pawm a. EOB thar ruat turin Val Upa Council (VUC) hian phungbawm sawm se, tiin lungrual takin an pawm tlang bawk.

ZPM Gen. Hqrs. Elected Office Bearers hi President, Senior Vice President, Vice President leh Treasurer pakhat ṭheuh an ni ang, tiin July ni 16, 2026-a ZPM Danpui 'amendment' chuan a lo pawm tawh a. September 29, 2026 khian R Dengṭhuama Hall, Mualpuiah ZPM hian Mizoram pum huap General Assembly nei turin ruahmanna a lo siam tawh a ni.

PRESS RELEASE*

ZPM General Headquarters, Mizoram Aizawl

Media & Publicity Department

PR No. ZPM -09/0A/2026/48

Dated Aizawl, the 26th August, 2026

*ZPM EXECUTIVE COMMITTEE MEETING CHUAN ZPM ELECTED OFFICE BEARERS THAR TUR TE A RUATA RUAT NI SE TIH AN PAWM*

ZPM Gen. Hqrs. Elected Office Bearers hi President, Senior Vice-President, Vice-President leh Treasurer pakhat ṭheuh an ni ang, tiin July ni 16, 2026-a ZPM Danpui 'amendment' chuan a lo pawm tawh a. September ni 29, 2026 khian R. Dengṭhuama Hall, Mualpuiah ZPM hian Mizoram pum huap General Assembly nei turin ruahmanna a lo siam tawh a ni.

Sd/-

(ZOHMINGTHANGA TLAU)

Jt. Secretary

Media & Publicity Department

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]