Voice of Salvationist 2026 hmawr bawk hnai, a thiam zual pangate nizanah intihsiak

Aizawl | August 25, 2026: Voice of Salvationist 2026 hmawr bawk hnai, a thiam zual pangate nizanah an intihsiak.

Voice of Salvationist 2026 thlanna neih mek chu a hmawr bawk a ni dawn ta a, Finalist mi panga (5) ten Ni 24th August 2026 (Thawhtanni) zan dar 8:30 khan Youth Multipurpose Center, Ainawn Vengah anmahni hla chuam theuh leh common song hmangin intihsiakna an nei a, ni 27th August 2026 (Ningani) zan dar 8:30-ah hian Grand Finale neih a ni ang a, hetah hian Finalist te hian intihsiakna an nei leh anga, result puan nghal a ni ang.

VOS 2026 hi Salvation Army thalai member te tan a zai hmang a rawngbawltu tur zawnna a ni a, Division tinah Audition neih a nih hnuah chumi paltlangte chuan Ni 1,August 2026 (Inrinni) atang khan Jubilee Hall, Bethlehem Corps ah intihsiakna neih a lo ni tawh a, top-50 thlan a nih hnuah top-30 thlan leh a ni a, chumi atang chuan top-10 thlan leh a ni. Top-10 atang hian YMC Ainawn Vengah intihsiakna hi neih leh a ni.

Voice of Salvationist Finalist te chu

1. Jacob Lalthatluanga,

ITI Corps

2. Vanlalchhandami, ITI Corps

3. Sangmawia, Dinthar Corps

4. Melanie Lalthansangi, Chanmari Corps

5. TC Lalmuansanga, Rulchawm Corps