"Ṭawih thei leh ṭawih thei lo bawm neih dan survey kan nei dawn, veng pawn miten Electric Vengah bawlhhlawh paih lo turin kan ngen,"

Aizawl | August 10, 2026: Young Mizo Association (YMA) Electric Veng branch chuan vawiin khan thuchhuah siamin, "Ṭawih thei leh ṭawih thei lo bawm neih dan survey kan nei dawn, veng pawn miten Electric Vengah bawlhhlawh paih lo turin kan ngen," an ti.

Electric Veng Branch YMA chuan veng chhung faina kawngah chak takin hma a la zel a, veng chhunga In tinah lutin, bawlhhlawh ṭawih thei leh ṭawih thei lo thliar dan survey neih ni se an ti a. Veng dang aṭanga kalte chu veng chhungah bawlhhlawh paih lo turin an ngen bawk a ni.

August ni 7, 2026 (Zirtawpni) zana Electric Veng Branch YMA Committee Meeting chuan, veng chhunga In tinah lutin bawlhhlawh thliar dan hi survey neih ni se tiin a rel a ni. Hetianga hmalakna an neih chhan hi, AMC-in Solid Waste Management Centre Tuirialah ṭawih thei aṭangin leiṭha a siam chhuak tawh a, leiṭha siam chhuak tur hian ṭawih thei hlang a nih a ngai a. Hetih lai hian, Aizawl veng hrang hrang aṭanga SWMC Tuiriala bawlhhlawh paih a nihin, ṭawih thei zingah ṭawih thei lo fun pawlh a la awm ṭhin avângin, ni khata khawlin leiṭha a siam chhuah theih zat pawh a siam chhuak pha lo tih hriat a ni a.

Electric Veng Branch YMA chuan, YMA thuthlunga hmuh angin, ram roreltute hmalakna thawhpui thiam hi ṭulin an hria a, Awmze neia sorkar hmalakna thawhpui zelna atan te, faina kawnga hma kan lakna kal zelah In tinah ṭawih thei leh ṭawih thei lo bawm neih dan survey neih ni se tiin a rel ta a ni.

Electric Veng Branch YMA chu kum liamtaa UD&PA, AMC, Aizawl Smart City leh CYMA in faina intihsiak a buatsaihah pathumna kan lo nih tawh avângin faina kawngah hma kan la zel a. Nikum khan Meizial bung leh kuhva eina hnu paihna pawh hmun 130 chuangah kan lo dah tawh a. Faina kawnga hma kan lâk chhunzawm zel avângin, veng pawn lam mi, chhiat ni ṭhat nia Electric Venga lokalte leh veng chhung paltlangtute pawhin thil eina Sarang, Mezial bung, Kuhva eina leh bawlhhlawh dang rêng rêng khawlaiah paih lo turin kan ngen nghal bawk a ni.

Electric Veng Branch YMA

Press Release

"Ṭawih thei leh ṭawih thei lo bawm neih dan survey kan nei dawn, veng pawn miten Electric Vengah bawlhhlawh paih lo turin kan ngen,"

Electric Veng Branch YMA chuan veng chhung faina kawngah chak takin hma a la zel a, veng chhunga In tinah lutin, bawlhhlawh ṭawih thei leh ṭawih thei lo thliar dan survey neih ni se kan ti a. Veng dang aṭanga lokalte chu veng chhungah bawlhhlawh paih lo turin kan ngen bawk a ni.

August ni 7, 2026 (Zirtawpni) zana Electric Veng Branch YMA Committee Meeting chuan, veng chhunga In tinah lutin bawlhhlawh thliar dan hi survey neih ni se tiin a rel a ni. Hetianga hmalakna kan neih chhan hi, AMC-in Solid Waste Management Centre Tuirialah ṭawih thei aṭangin leiṭha a siam chhuak tawh a, leiṭha siam chhuak tur hian ṭawih thei hlang a nih a ngai a. Hetih lai hian, Aizawl veng hrang hrang aṭanga SWMC Tuiriala bawlhhlawh paih a nihin, ṭawih thei zingah ṭawih thei lo fun pawlh a la awm ṭhin avângin, ni khata khawlin leiṭha a siam chhuah theih zat pawh a siam chhuak pha lo tih hriat a ni a.

Electric Veng Branch YMA chuan, YMA thuthlunga kan hmuh angin, ram roreltute hmalakna thawhpui thiam hi ṭulin kan hria a. Awmze neia sorkar hmalakna thawhpui zelna atan te, faina kawnga hma kan lakna kal zelah In tinah ṭawih thei leh ṭawih thei lo bawm neih dan survey neih ni se tiin a rel ta a ni.

Sd/-

(LALHMANGAIHZUALA) Secretary, Electric Veng Branch YMA

Dated Aizawl

The 10th Aug 2026

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]