Tanky tifai tura lut an thi

Aizawl | August 12, 2026; Tanky tifai tura lut Vanlalpeka (39) leh amah chhan tumtu Lalengmawia (33) an thi.

Vawiin chawhma dar 10 vel khan Champhai Tlangsama tui dah khawlna(Tanky) tifai tura lut leh amah chhanchhuak tura lut mi pakhat an thi.

AIR News Aizawl tarlan danin, Pi F Hrangmawii, Tlangsam Dinthar venga cheng chuan a tui dah khawlna tanky chu tifai turin hlawhfa pahnih Vanlalpeka leh Lalengmawia te a ruai a, Tanky hi ft 7 bawr vela thuk a ni a, tui ft 2 vel a tling a ni.

Tanky chhungah Vanlalpeka chu lut hmasa zawkin, a luh rual hian a tlu nghal a, Lalengmawia a hnathawh pui leh a bula hnathawk tura lo awm ve Vannunmawia leh Lalhmingthanga te hian chhan turin an zuang lut ve nghal a ni. Lalhmingthanga hi lut hnuhnung ber niin a luh rualin an chhaka mi awmte chu a au hman a, an bula mi lo awm hnai te chuan chhanchhuak turin hma an la nghal a, Lalhmingthanga tih loh zawng Vanlalpeka, Lalengmawia leh Vannunmawia te hi nikhawhreloin an lo awm tawh a ni.

Hmanhmawh takin damdawiin panpui an nih hnuin Vanlalpeka leh Lalengmawia te hi chhan hman an ni ta lo a. An ruang hi zaninah lumen an ni anga naktukah vuiliam an ni ang.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]