Sorkar an ngenna a hlawhtlin loh avangin Zokhawthar HSS zirtirtuten Class an la lo; Sawrkar atanga thu lawmawm an hriat hma chu zirtirna an pe rih dawn lo!

Aizawl | August 19, 2026: Zokhawthar Higher Secondary School zirtirtuten sorkar an ngenna a hlawhtlin loh avangin vawiin atang khan Class an la lo. Sawrkar atanga thu lawmawm an hriat hma chu zirtirna an pe rih dawn lo!

Zokhawthar HSS zirtirtute chuan Sawrkar an ngenna a hlawhtlin theih loh avangin Class an la lo va, naupang za chuang zirtirtu nei lovin an awm mek a ni.

Principal & Staff te'n August 19, tuk-a thuchhuah chuan, "Zokhawthar khawtlang, VC leh Unit ten he School hi Category S2 a hlankai a nih ve theih nan theihtawp chhuah a hma an la chung pawh a, Sawrkarin Lumpsum Category 'A' a awm mek School 6 (paruk) te a ennawn a, Category S2 a school 3 (pathum) a hlan kai leh zinga kan tel lo hi pawm har kan ti hle a ni," an ti a.

"Tehna hrang hrang a kan tlin vek laia, Category S2 a hlankai kan ni ve ta lo hi hriatthiam har kan ti hle a, ennawn leh a min hlangkai ve ngei turin Sawrkar kan phut a ni," an ti.

"Sawrkar atanga thu lawmawm kan hriat hma chuan zirtirtu ten class an la rih dawn lo a ni," an ti bawk.

Vawiin khan zirlaite chu zirtirtu tel lovin sikul an kal a, pawl 12 board exam hmachhawn turte an ni a, hetianga an awm reng chuan an zirlaiin a tawrh phah theih dawn niin an sawi a.

"Zirlaite hi zirtirtu tel lovin sikul kan kal a, khaw lian tak kan ni lova, zirlaite hi dinhmun harsa tak tak kan ni hlawm a, keini zirlaite hi a mimal taka min hmangaih lo a nih pawhin, kan hmakhua tur leh kan hma hun turte min ngaihtuahpui turin, sorkar hian zirlaite aw hi min ngaihthlaksak se kan duh a ni," tiin ZHSS-a pawl 12 zirlai Rohlupuii chuan a sawi.

Zokhawthar Higher Secondary School zirtirtuten Sawrkar an ngenna a hlawhtlin loh avangin Class an la rih dawn lo

Vawiin ni 19.08.2026 ( Nilaini ) atang hian Zokhawthar HSS zirtirtu te chuan Sawrkar an ngenna a hlawhtlin theih loh avangin Class an la rih dawn lo va, naupang za chuang zirtirtu nei lovin an awm mek a ni.

Zokhawthar khawtlang, VC leh Unit ten he School hi Category S2 a hlan kai a nih ve theih nan theihtawp chhuah a hma an la chung pawh a, Sawrkarin Lumpsum Category 'A' a awm mek School 6 (paruk) te a ennawn a, Category S2 a school 3 (pathum) a hlan kai leh zinga kan tel lo hi pawm har kan ti hle a ni.

Tehna hrang hrang a kan tlin vek laia, Category S2 a hlankai kan ni ve ta lo hi hriatthiam har kan ti hle a, ennawn leh a min hlangkai ve ngei turin Sawrkar kan phut a ni.

Sawrkar atanga thu lawmawm kan hriat hma chuan zirtirtu ten class an la rih dawn lo a ni.

Principal & Staff

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]