Aizawl | August 18, 2026: Mizo nula, hockey thiam vanga hriat hlawh Lalremsiami Hmar chuan infiammi chawimawina sang Arjuna Award a dawng dawn a, India rama infiammi 17 thlanchhuah zingah Kolasib nula Lalremsiami Hmar hi a tel a ni.
Lalremsiami Hmar hi Mizo zinga he award dawng tura thlan hmasak ber a ni a, award hian sum fai cheng nuai 15 a keng tel bawk.
Ministry of Youth Affairs & Sports chuan vawiin khan National Sports Awards 2025 dawng tur a tichhuak a, chawimawina sang ber dawt Arjuna Award dawng tur zingah Mizo nula hi a tel a ni.
India ramah infiammite tan Major Dhyan Chand Khel Ratna Award a sang ber, a dawtah Remsiami dawn tur Arjuna Award hi a ni.
Sports Minister Lalnghinglova Hmar chuan facebook kaltlangin Remsiami hi lawmpuina a hlan, "India rama sports chawimawina sang ber dawttu Arjuna Award 2025/2026 dawng tur zingah Mizo nula Lalremsiami a tel hi lawmawm ka tiin ka chhuang takzet a ni.
Ministry of Youth Affairs & Sports chuan vawiin August 18, 2026 khan Arjuna Award dawng tur mi 17 puangin, India hmeichhe hockey player pawimawh Lalremsiami hi thlan tel a ni a. Award hian pawisa fai Rs. 15 lakh bakah hamthatna hrang hrang a keng tel a ni.
Mizoram mai ni lo India ram tihmingthatu Siami thinlung takin kan chhuang a. A thawhrimna, inpekna leh tumruhna te nen dinhmun sang zawk thleng zel turin duhsakna sang ber ka hlan a ni."
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: