". . . pawl hrang hrang te’n mahni nihna dahthain pawl duhawm tak ZPM a lo ding ta a. ZPM thlipui a tleh tak tak kha chu chunglam hnathawh a lang chiang hle, . . ."

Aizawl | August 24, 2026: ZPM chuan party office-ah chhung inkhawm hun an hmang a, AMC Mayor leh ZPM Adviser H Lalremtluanga'n thu sawiin, “Ram Rorelna mawhphurhna min petu Pathian kan theihnghilh hlauh ang e,” a ti a. AMC hmalakna leh hmachhawp hrang hrang a sawi bawk.

Remtluanga chuan, “Rambuaiah kum 20 zet kan awm hnuin beiseina kawl a lo eng a, State dinhmunah hlankai niin mahniin ro kan inrel a. Ram hruaitu hrang hrang te’n theihtawp han chhuah bawk mah se hlemhletna leh kalphung dik tawk lo nen kum 30 chuang kan kal hnuah; Pathian mite tawngtaina avangte leh mipuiin kalphung thar hmuh duhin, pawl hrang hrang te’n mahni nihna dahthain pawl duhawm tak ZPM a lo ding ta a. ZPM thlipui a tleh tak tak kha chu chunglam hnathawh a lang chiang hle tih a hriat a, kum 2023 inthlan a lo thlen dawn meuh kha chuan pulpit tlanga Pathian thusawi thlengin ram siamthat duhna aurawl a lo ri tak tak a, an thusawi a ZPM hle mai tih an hlawh nawk thin. Kalphung thar hmel a lo lang a, hruaitu tha tak tak Pathianin min pe a, beiseina sang tak nen ram chhung leh ram pawna Zohnahthlak zawng zawng te’n beiseina nen min thlir thup mai a. Thalai leh thangthar zawk, politics tui mang reng reng lo te paw’n ram siamthatnaah tel ve an chak a, tun dinhmun hi kan thleng ta a ni,” a ti a.

Remtluanga chuan, “Ram rorelnaa Pathian ram tun din thupuia neitute hian, he thu ropui tak hi kan ngaihtuah nawn fo a, tawngtai chunga kan chawinun thar leh a ngai tak zetin a hriat a ni. Midang en lovin mahni theuh inen thar leh ila, midangte mil turin paih ngai paih ila, her rem ngai i her rem ang u. Tumah inthlauhthla lovin hruaitu hluite kuah khawm kan zir thar leh te pawh hi a pawimawh hlein ka hria. Kan insuihkhawm a, zaikhata kan luan hram hram hi kan chakna hnar leh malsawmna kan dawnna hnar tur a ni. General Election-a hnehna kan chan hlima kan hlim thawm leh kan rilru put hmang mawi takte kha i theihnghilh lovang u. Ram rorelna mawhphurhna min petu Pathian kan theihnghilh hlauh ang e. Ropui leh hmingthan kan duh luatah te, nawmsak leh hlawk kan duh luatah chunglam pawi nasa tak sawi theih a ni,” a ti.

Remtluanga chuan, “Hna te hi chu kan thawk tha viau pawh a ni thei e, amaherawhchu, ram rorelnaa Pathian ram tun din mawlh mai hi kan ngaihthah chuan, ropui bung bung angin lang mah ila a sawp chu nasa tak a ni thei. Beram thau tha pui pui te, Bawng tha leh nalh tak tak inthawina atana kaih duah duah te chu an thau thlawn mai a ni. Thuawih lo chungin inthawina ringawtin sual a khuh bo thei lo, Lalpa tan rimchhia a ni thei. Kan ti tha duh lova, chunglam venthawnna tel lova kan tal na viau reng a nih chuan, chunglam hian keini lo hi ram rorel tur dang a la ngah ang, tih pawh ngaihtuah thlen theih a ni. Chuvangin, hun kan la neih lai hian i insiamtha ang u,” a ti bawk.

AMC Mayor thusawi dangte:

AMC-a lakluh May ni 7 atanga vawiin thleng ni 108, thla 3 leh ni 16 chhunga hmalakna hrang hrang te report tlangpui.

Kan department chan lian zual hrang hrang pakua (9) zet ah STUDY TEAM kan insiam a, heng Study Team te hi Executive Corporator te’n ho zelin hmalak tawhna zirchiangin rawtna tha tak tak an rawn nei a. Chumi hmang chuan hma kan la chho tan mek a, vawi leh khata tih fel mai theih thil a awm rual in dan ammend ngai leh nghah rei ngai chi deuh te pawh a awm nual a ni.

I. SOLID WASTE

1. SWM Rules 2026 dan khirh leh khauh tak mai a lo chhuak a, chumia langsar deuhte chu, Door to Door Collection leh Bawlhlawh a chi hranga thliar tur, Wet, Dry, Sanitary leh Special Care Waste te a ni a. Phase 1 bul tan tura chak taka hmalak a ni.

2. Ward III, VI, VIII, XI, XIII, XVI, XVIII (7) te phase 1 tur an ni. A huphurh awm viau mai a, chi hnihah pawh kan la thliar theih loh laiin chi lia thliar kan inzirtir chho tan a ni. Mahse Aizawl khawpuiin faina lama hma kan sawn nan theihtawp chhuah kan tum ve mek a ni. Phase 1 tluang taka tih zawh chuan Aizawl khawpui vengtinah hmalak leh vek tum a ni.

3. Ni 18th August, 2026 ah Aizawl Smart City Limited atanga kan dawn Wet Waste Garbage Vehicles 5 (panga) pekchhuah a ni.

4. Kan manifesto-a kan tarlan angin Door to Door hi Aizawl Khawpuiah 100% a kalpui a nih theih nan theihtawp kan chhuah mek a, tuna Phase 1 tihna tur bialah chuan September thla laihawl atangin kalpui tan tum a ni.

5. Party lama kan lungrualpui zawng zawngte pawh bawlhhlawlh thliar chungchangah theihtawp chhuah a, tan min lakpui turin ka sawm nghal bawk che u a ni.

6. Bawlhhlawh thliar hi Tuirialah paih fin leh tho anga miin an hriat hi a dik chiah loh rualin, paih pawlh a la tam hle tho mai tih pawh kan hria a, kan sawrkar tharah chuan theihtawpin hma lak a, strict lehzual kan tum bawk a, hma kan la mek bawk a ni.

7. Kan khawpui a thianghlim nan hian Hotel leh Homestay te pawh 9th July, 2026 khan a vawikhat nan kohkhawma zirtirna pek an ni.

II. PARKING

1. Tender chhuah niin Parking Contractor-te kan ruat fel tawh a. Kan term a laklawh avangin parking tender hmanhmawh tak maiin koh a ngai tawh si a, duh angin mipui beisei kan la pha lo maithei a, ruahmanna tha zawk neih tumin tan kan la mek bawk.

2. Aizawl Traffic tih ziaawm nan AMC leh Traffic Police Joint Inspection neiha ruahmanna siam niin, ruahmannaah hian Parking Area tihdanglam turte Traffic tih ziaawm nan ruahman a ni. Parking leh Taxi Stand tihtawi te pawh a awm bawk.

IV. HOARDING

1. Tender chhuah niin Advertiser te thlanfel an ni tawh.

2. KIOSKS chungchangah hian hma thar lak tum niin Tender System-a kalpui tum a ni.

3. LED Hoarding Policy siam chhoh tum a ni a. Hmun khat kalpui mek bakah hmun hnih dangah (SBI kawt leh Sikulpuikawn) tun atanga rei lo te ah kalpui tur a ni.

V. ONLINE CHUNGCHANG

1. Executive Corporators’ Meeting in a rel angin Software thar 3 (pathum) siam tur a ni (Complaint chungchang, SD&SM Application leh Hoarding & Advertisement) Complain hi a hmasa ber turin ruahmanna siam mek a ni a, peih fel tep a ni.

2. Tin, kan hmalak kal mek tawhna Dawr License dilna pawh online-a tihturin peih fel deuh tho a ni tawh a, siam danglam ngai tlem azawng la awmin, tun atanga rei lo te ah launch thuai kan tum. A hming tur pawh AIZAWL DAWR KAI APP tih a ni.

3. Building Permit pek chungchangah theihtawp chhuah zel niin Permit ti khawtlai lova pek chhuah turin tan kan la a, technical person te pawh ko khawmin training pek an ni (May – July ah hian Permit 539 pekchhuah a ni).

4. OBCAS (Online Building Construction Approval System) a in sak dilna bawhzui loha hun rei tak lo awm tawhte chingfel turin hmalak a ni (20th July 2026 thleng inhriattir turin hun pek an ni a, case thahnem tak chinfel a ni tawh) In sa tur ten an rawih Engineer lamin an ngaihsak tawk loh avanga dilna kal muang a awm fo thin, chumi venna leh zawnchhuah nan hei hi a tangkai tura rin a ni.

VII. BOC – VAWI 3 KAN NEI TAWH.

1. Lak luh ni ni 7th May, 2026

VIII. BUDGET ESTIMATE 2026-27 (29TH JUNE, 2026)

Sawrkarna kan siam ve atanga thlakhat erh awrh chauha liam hnuah Municipal Act-in a beisei angin Budget Estimate siam a ni a.

i) 2026-2027 Budget Estimate chu Rs 12,754.93 lakhs a ni a, hei hi nikum 2025-2026 aiin Rs 1,537.04 lakhs in a tam zawk.

ii) AMC Budget-ah hian mipui kaihhnawih leh hmasawnna ruhrel siamna atan 79.09% lai dah a ni a, hei hi AMC te kan inchhuan ve na a ni. Kan Budget sum hnar te chu:

Central Finance Commission Grants = 69.48%

State Grants = 20.86%

Own Source Revenue (AMC sum thawhchhuah) = 9.66%

• Kan OSR ber hi a la hniam avangin mahni ngeia sum tam zawk thawk chhuak a, khawpui tan tangkai zawka hna thawk thei turin nasa takin kan inbuatsaih mek a. Licensing leh Fees hrang hrangte ennawn a nih bakah, kum 15 kal ta chhunga assets hrang hrang kan din- sum lalut mumal lo te pawh tuaithar turin kan umzui mek a ni.

• Tin, Ch. Saprawnga Truck Terminal (CSTT)- ah Petrol Pump changtlung tak nei turin hma kan la mek bawk a, hei hian nasa takin AMC sum lakluh kawngah a puih ngei kan beisei bawk.

IX. NI 28TH AUGUST, 2026 AH BOC NEIH LEH TUM A NI A.

Kan Agenda te hi mipui bengverh tak tur a nih ngei pawh kan ring. Chung zingah chuan, heng:-

1) Vawk vulh Phalna Zone chungchang (Hmeithai leh Pahmei vawk vulh innghahna tana lo hmang ve tang tang thinte tan; a hmun azira vulh theihna tur Local Council te nen zirchiangin kan peih tawh a ni) BOC-ah chhawpchhuah a ni phawt ang a, passed a nih hnuah hma lak tur a ni ang.

2) Shop License Zone Wise (Dawrkai - a lian a te, hausa leh retheite chawi zat inang thup mai te pawh zone wise-in, kawngpui dung leh hmun hulum deuh laia mi te chawi zat tur a hranga bithliah fel taka siam a ni dawn bawk a ni) BOC-ah chhawpchhuah a ni phawt ang a, passed a nih hnuah hmalak tur a ni ang.

X. EXECUTIVE CORPORATORS MEETING:

1. SWMC Tuirial ah NIT Aizawl nen tang hoin Vermi Composting trial neih tum a ni a, hemi result azir hian kalpui zel dan tur la ngaihtuah a ni ang.

2. Corporators Ward Development Fund te, Property Return te leh Fund hman dan tur inkaihhruaina siam a ni.

3. AMC Multi Complex, Tuikual South-a Stall leh Shop te tangkai taka luahtir turin hmalak a ni.

4. Fur lai (July – October, 2026) chhungin Aizawl AMC area-ah leilaih khap a ni.

5. Local Council te hlawh tihpun chungchang ngaihtuah a ni a, Local Council te dawn thin Tax Devolution pawt hek lo zawnga pun ngei tha kan tih avangin kawng awm theite Sorkarah thlen a ni.

6. SWMC Tuirial atangin leitha siamchhuah a hralh reng a ni (KG 4,60,075 siam tawh a ni a, Rs. 26,06,620 man hralh tawh a ni)

7. CSTT Rangvamual Petrol Pump/Retail Outlet siam tur chungchang.

AMC sum neih hi a la beitham ve hle a, theihtawpin kan revenue tipung turin hma kan la dawn a, chumi tur chuan state nen kan thawhhona a that viau a tul. Kan minister te pawh kan tan an inhawng a, kan lawm hle a ni. AMC hian theihtawpin Aizawl tha zawk siam tumin kan bei ve mek tih min hriatpui turin Aizawl mipuite leh party hruaitu te kan ngen a che u.

PRESS RELEASE

ZPM General Headquarters, Mizoram Aizawl

Media & Publicity Department

PR No. ZPM -09/0A/2026/48

Dated Aizawl, the 24th August, 2026

Vawiin khan ZPM chuan party office-ah chhung inkhawm hun kan hmang a, Pu H. Lalremtluanga, Adviser, AMC Mayor ni bawk chuan thu sawiin, “Ram Rorelna mawhphurhna min petu Pathian kan theihnghilh hlauh ang e,” a ti a. AMC hmalakna leh hmachhawp hrang hrang a sawi bawk.

Pu Lalremtluanga chuan, “Rambuaiah kum 20 zet kan awm hnuin beiseina kawl a lo eng a, State dinhmunah hlankai niin mahniin ro kan inrel a. Ram hruaitu hrang hrang te’n theihtawp han chhuah bawk mah se hlemhletna leh kalphung dik tawk lo nen kum 30 chuang kan kal hnuah; Pathian mite tawngtaina avangte leh mipuiin kalphung thar hmuh duhin, pawl hrang hrang te’n mahni nihna dahthain pawl duhawm tak ZPM a lo ding ta a. ZPM thlipui a tleh tak tak kha chu chunglam hnathawh a lang chiang hle tih a hriat a, kum 2023 inthlan a lo thlen dawn meuh kha chuan pulpit tlanga Pathian thusawi thlengin ram siamthat duhna aurawl a lo ri tak tak a, an thusawi a ZPM hle mai tih an hlawh nawk thin. Kalphung thar hmel a lo lang a, hruaitu tha tak tak Pathianin min pe a, beiseina sang tak nen ram chhung leh ram pawna Zohnahthlak zawng zawng te’n beiseina nen min thlir thup mai a. Thalai leh thangthar zawk, politics tui mang reng reng lo te paw’n ram siamthatnaah tel ve an chak a, tun dinhmun hi kan thleng ta a ni,” a ti a.

Pu Lalremtluanga chuan, “Ram rorelnaa pathian ram tun din thupuia neitute hian, he thu ropui tak hi kan ngaihtuah nawn fo a, tawngtai chunga kan chawinun thar leh a ngai tak zetin a hriat a ni. Midang en lovin mahni theuh inen thar leh ila, midangte mil turin paih ngai paih ila, her rem ngai i her rem ang u. Tumah inthlauhthla lovin hruaitu hluite kuah khawm kan zir thar leh te pawh hi a pawimawh hlein ka hria. Kan insuihkhawm a, zaikhata kan luan hram hram hi kan chakna hnar leh malsawmna kan dawnna hnar tur a ni. General Election-a hnehna kan chan hlima kan hlim thawm leh kan rilru put hmang mawi takte kha i theihnghilh lovang u. Ram rorelna mawhphurhna min petu Pathian kan theihnghilh hlauh ang e. Ropui leh hmingthan kan duh luatah te, nawmsak leh hlawk kan duh luatah chunglam pawi nasa tak sawi theih a ni,” a ti.

Pu Lalremtluanga chuan, “Hna te hi chu kan thawk tha viau pawh a ni thei e, amaherawhchu, ram rorelnaa pathian ram tun din mawlh mai hi kan ngaihthah chuan, ropui bung bung angin lang mah ila a sawp chu nasa tak a ni thei. Beram thau tha pui pui te, Bawng tha leh nalh tak tak inthawina atana kaih duah duah te chu an thau thlawn mai a ni. Thuawih lo chungin inthawina ringawtin sual a khuh bo thei lo, Lalpa tan rimchhia a ni thei. Kan ti tha duh lova, chunglam venthawnna tel lova kan tal na viau reng a nih chuan, chunglam hian keini lo hi ram rorel tur dang a la ngah ang, tih pawh ngaihtuah thlen theih a ni. Chuvangin, hun kan la neih lai hian i insiamtha ang u,” a ti bawk.

Vawiin chhung inkhawm hi Er. Vanlalvuta Chinzah, General Secretary chuan kaihruaiin; Pu J. Lalrobula, Upa Committee chuan hunserh a hmang a. Tunhnaia Local Council leh Village Council inthlana ZPM party ticket-a thlantlinte lawmpuina hun hman a ni bawk.

Sd/-

(ZORAMSANGZELA)

Secretary

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]