Aizawl | August 12, 2026: National Students' Union of India (NSUI) Mizoram chuan vawiin khan thuchhuah siamin, "Mualthuam 'N' tleirawl pawl 10 zirlai thattu, chawlhkar khat a liam hnu pawha manchhuah ala ni lo hi kan hrethiam thei lo a, hnu chhuina chak lehzuala kalpui kan phut a ni," an ti.
"Mualthuam 'N' tleirawl, zirlai duhawm tak hi August ni 3, 2026 (Thawhtanni) zan atanga bo a ni a, August ni 5, 2026 (Nilaini) chawhma lamah a ruang hi chhar a ni. A ruang chhar a nih atanga chawlhkar khat a liam hnu, vawiin August 12, 2026 thleng hian rinhlelh pakhat te mah man an la ni lova. Hei hi National Students' Union of India (Mizoram) chuan kan hrethiam lo hle a ni,"
"He case-ah hian hnu chhuitu Mizoram Police-te hian mipui thlawpna mai bakah VC te, NGO hrang hrangte thlawpna pawh an dawng tha tawk niin kan hria a. Mizoram Police-te thiamna leh, an theihna san ziate thlirin he case hi an tan thil chinfel harsa tak ni turah kan ngai lo. Chuvangin, chawlhkar khat a liam hnu pawh a hnu chhuina kawnga hmasawnna lian tham a awm thei lo hi a mak kan ti a, police-te hian kut phuar chungin hnu chhui hna an kalpui em ni tih hi kan zawhna a ni.
Tin, a ruang chhar a nih zana Lunglei Police-ten Mualthuam 'N' khua riah chilh nghal lova, hnu chhui hna an tan nghal lo kha a pawi kan ti a. Tualthattute tana hnu thup belhna hun remchang tak an siam sakah kan ngai bawk.
Zirlai duhawm tak thihna rapthlak tak hi NSUI (Mizoram) chuan a na kan ti takzet a, a mawhphurtute hi a rang thei ang bera chhui chhuah ni sela, hremna pawh a na thei ang ber dawng ngei rawh se."
No. NSUI (Mz) GHQ/2026/PR-06
Date 12th August, 2026
PRESS RELEASE
Mualthuam 'N' tleirawl pawl 10 zirlai thattu, chawlhkar khat a liam hnu pawha manchhuah ala ni lo hi National Students' Union of India (Mizoram) chuan kan hrethiam thei lo a, hnu chhuina chak lehzuala kalpui kan phut a ni.
Mualthuam 'N' tleirawl, zirlai duhawm tak hi August ni 3, 2026 (Thawhtanni) zan atanga bo a ni a, August ni 5, 2026 (Nilaini) chawhma lamah a ruang hi chhar a ni. A ruang chhar a nih atanga chawlhkar khat a liam hnu, vawiin August 12, 2026 thleng hian rinhlelh pakhat te mah man an la ni lova. Hei hi National Students' Union of India (Mizoram) chuan kan hrethiam lo hle a ni.
He case-ah hian hnu chhuitu Mizoram Police-te hian mipui thlawpna mai bakah VC te, NGO hrang hrangte thlawpna pawh an dawng tha tawk niin kan hria a. Mizoram Police-te thiamna leh, an theihna san ziate thlirin he case hi an tan thil chinfel harsa tak ni turah kan ngai lo. Chuvangin, chawlhkar khat a liam hnu pawh a hnu chhuina kawnga hmasawnna lian tham a awm thei lo hi a mak kan ti a, police-te hian kut phuar chungin hnu chhui hna an kalpui em ni tih hi kan zawhna a ni.
Tin, a ruang chhar a nih zana Lunglei Police-ten Mualthuam 'N' khua riah chilh nghal lova, hnu chhui hna an tan nghal lo kha a pawi kan ti a. Tualthattute tana hnu thup belhna hun remchang tak an siam sakah kan ngai bawk.
Zirlai duhawm tak thihna rapthlak tak hi NSUI (Mizoram) chuan a na kan ti takzet a, a mawhphurtute hi a rang thei ang bera chhui chhuah ni sela, hremna pawh a na thei ang ber dawng ngei rawh se.
Sd/-
R. ZOMUANPUIA
General Secretary
NSUI (Mizoram)
Post a Comment
He post chungchanga i ngaihdan lo sawi ve rawh: