MZP-in a thusawi avanga ngaihdam dil turin Nihar Kanti Chakma an hriattir

Aizawl | August 26, 2026: Mizo Zirlai Pawl Headquarters, Lunglei chuan, "Tlabung chu Chakma-te khaw hlun thin ti a i sawi leh Lushai Hills-a Tlabung rin luh a nih hma zawng chuan Chittagong Hill Tracts-a bet thin, Chakma-te ram ti a a sawi chungchangah Nihar Kanti Chakma chu ngaihdam dil turin an hriattir.

MZP Hqrs.:Lunglei chuan he thu hi pawi a tiin thu belhchian dawl lo hmanga thu a vawrh darh hi ‘Mizo mipuite’ hnenah ngaihdam dil turin an hriattir a. Tun chinah Mizoram history dik lo hmanga hnam leh hnam inkara buaina thlen thei thu theh darh tawh lo turin an hriattir nghal bawk.

 To,

Nihar Kanti Chakma

Nunsuri

Lunglei District, Mizoram

Subject : Hriattirna.

         

Mizo Zirlai Pawl Headquarters:Lunglei hmingin chibai kan buk a che.

Mizo Zirlai Pawl Headquarters:Lunglei chuan ni 15 August, 2026 (Inrinni) a ‘Borgang Times’ a ‘Historical Clarifications on Chakma Origin & Political History in Mizoram’ chungchanga i thu ziaka i tarlan - "Tlabung chu Chakma-te khaw hlun thin ti a i sawi leh Lushai Hills-a Tlabung rin luh a nih hma zawng chuan Chittagong Hill Tracts-a bet thin, Chakma-te ram," ti a i sawi hi MZP Hqrs.:Lunglei chuan pawi a tiin thu belhchian dawl lo hmanga thu i vawrh darh hi ‘Mizo mipuite’ hnenah ngaihdam dil turin kan hriattir che a. Tun chinah Mizoram history dik lo hmanga hnam leh hnam inkara buaina thlen thei thu theh darh tawh lo turin kan hriattir nghal che a ni.

Kan ngenna hi ngai pawimawha min tih hlawhtlinsak turin kan hriattir a che.