MZP-in H Ramdinpuii thihnaa inhnamhnawihte man an ni lawmawm ti, Mualthuam ‘N’ khawtlang thawh hona leh inpekna fakawm ti

Aizawl | August 21, 2026: Mizo Zirlai Pawl Headquarters, Lunglei chuan vawiin khan thuchhuah siamin, Mualthuam 'N' tleira H Ramdinpuii thihnaa inhnamhnawihte man an ni lawmawm an ti a, hemi atana Mualthuam ‘N’ khawtlang thawh hona leh inpekna fakawm an ti.

August 3, 2026 (Thawhtanni) zan a bo, H Ramdinpuii (15) d/o H Lalawmpuia Mualthuam ‘N’ khua rawng taka thattu Denghmingthanga (20) leh Lalneihkima te man chhuah an ni ta hi MZP Hqrs.:Lunglei chuan lawmawm a ti hle a, tualthattute zawn chhuah an nih theihna atana theihtawp chhuaha hmalatute Lunglei Police Special Investigation Team leh Forensic Science Laboratory-te thawhrimna leh inpekna chu chhuanawm a ti tak zet bawk a ni.

MZP Hqrs, Lunglei chuan tualthattute man chhuah an nih theihna atana hnuchhuitute thlawp tlat leh chak taka hmalak anih theihna atana Mualthuam ‘N’ khawtlang thawh hona leh inpekna chu fakawm a ti hle a. Khawtlang hruaitute zai ngai chunga hun khirh tak karah khawtlang mipuite chet lak dan chu a chhunawm a ti hle bawk a ni.

H Ramdinpuii tualthahnaa mawhphurtute hi a na thei ang bera hrem an nih theihna atan MZP Hqrs, Lunglei chuan thuneitute a ngen a, kan zirlai pui H Ramdinpuii tualthihna chungchangah hian hmalak chhunzawmna tur a awm anih chuan MZP Hqrs, Lunglei chuan theihtawp chhuahin hmalak chhunzawm zel a inhuam reng a ni.

H Ramdinpuii’n a kalsan tak a chhung leh khat laina leh thenrualthate, Pathian awmpuina leh thlamuanna chang zel turin kan duhsak tak zet a, Mizoram mipute’n he tualthihnain a nghawng zawng zawngte tan thlah lova tawngtainaa hre reng turin MZP Hqrs.:Lunglei chuan a ngen bawk a ni.

MIZO ZIRLAI PAWL HEADQUARTERS:LUNGLEI PRESS RELEASE

PR.No.10 of 2026-2028

Ni 3 August, 2026 (Thawhtanni) zan a bo, H. Ramdinpuii (15) d/o H. Lalawmpuia Mualthuam ‘N’ khua rawng taka thattu Denghmingthanga (20) leh Lalneihkima te man chhuah an ni ta hi MZP Hqrs.:Lunglei chuan lawmawm a ti hle a, tualthattute zawn chhuah an nih theihna atana theihtawp chhuaha hmalatute Lunglei Police Special Investigation Team leh Forensic Science Laboratory-te thawhrimna leh inpekna chu chhuanawm a ti tak zet bawk a ni.

MZP Hqrs.:Lunglei chuan tualthattute man chhuah an nih theihna atana hnuchhuitute thlawp tlat leh chak taka hmalak anih theihna atana Mualthuam ‘N’ khawtlang thawh hona leh inpekna chu fakawm a ti hle a. Khawtlang hruaitute zai ngai chunga hun khirh tak karah khawtlang mipuite chet lak dan chu a chhunawm a ti hle bawk a ni.

H. Ramdinpuii tualthahnaa mawhphurtute hi a na thei ang bera hrem an nih theihna atan MZP Hqrs.:Lunglei chuan thuneitute a ngen a, kan zirlai pui H. Ramdinpuii tualthihna chungchangah hian hmalak chhunzawmna tur a awm anih chuan MZP Hqrs.:Lunglei chuan theihtawp chhuahin hmalak chhunzawm zel a inhuam reng a ni.

H. Ramdinpuii’n a kalsan tak a chhung leh khat laina leh thenrualthate, Pathian awmpuina leh thlamuanna chang zel turin kan duhsak tak zet a, Mizoram mipute’n he tualthihnain a nghawng zawng zawngte tan thlah lova tawngtainaa hre reng turin MZP Hqrs.:Lunglei chuan a ngen bawk a ni.

Dated Lunglei the 21st August, 2026

Issued by-Mizo Zirlai Pawl Headquarters:Lunglei

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]