Aizawl | August 5, 2026: ZPM Thalai chuan thuchhuah siamin, "MPYCC in CM Lalduhoma poster duk dak lo taka an cheibawl hi kan duh lo hle a, Memorandum of Settlement 1986 chungchanga CM Lalduhoma’n Pu Laldenga ṭanhmun chungchang a sawinaah MNF tan huat tur a awmin kan hre lo bawk," an ti a.
"July 31, 2026 (Friday) a Chief Minister Pu Lalduhoma’n Mizoram Law College Freshers Social & Felicitation Programme a hmanpuinaah Inner Line Permit leh Memorandum of Settlement 1986 chungchangah Opposition party-te anglo takin zep nei lo leh tlang takin thu a sawi a, ILP chungchanga Mizoramin a tih theih chin leh a dinngheh theih chinte tlang taka sawiin, ILP chu hmansual theih a nih thu leh hmansual a nih in Mizoram Sawrkar chu Court a khin a niha a chak loh chuan chuan ILP hi paihsak theih kan ni tiin a sawia, Adaptation of Laws Order 1950 hmanga kan chhawm Inner Line Regulation hi Mizoram tana inhumhimna a nih rualin, hman sual theihna laka inveng tura Law Zirlaite a fuihna thuah hian "dawihzepna" kan hmu ve lo a, ṭhangthar ten thil nihna diktak leh ṭan lak kan ngaihna lai dik taka kawhhmuh tu Chief Minister Pu Lalduhoma hi kan ring tawk," an ti.
"Heng politics ze hlui hi sim thei lovin nimin 4th August 2026(Tuesday) khan Congress Party chuan kan Chief Minister Pu Lalduhoma chu thudik a sawi avangin poster hnaisai lo tak an siam saka, mipui hmuh theih turin khawlaiah an tar chhuak hial a ni. Hetianga inbeihna tenawm tak, Christian-te tih atana mawilo khawp laka Congress Party-te an inveng zo ṭhin lo hian ram hruai tlak an nih loh zia a ti lang chiangin kan hria a, sim tawh turin keini kan chah," an ti a.
"Nimin vek khan MNF Party pawhin thuchhuah siamin kan Chief Minsiter Lalduhoma beih let nan Total Band an sawi ri leh ta a, an nihna diktak hailan a nih apianga Total Bandh hmanga inhliahkhuh an chin ṭhin hi simin, thil nihna diktak hmachhawn ngam zawk turin MNF Party hi kan chah duh,"an ti a, Mizoram mipuite pawhin MNF thiltum hi lo zawmsak lo turin an ngen bawk.
ZPM THALAI GENERAL HEADQUARTERS
PR. No. 44 of 2026
PRESS RELEASE
5th August 2026
Mizoram Pradesh Youth Congress Committee (MPCC) in kan Chief Minister Pu Lalduhoma poster duk dak lo taka an cheibawl hi kan duh lo hle a, Memorandum of Settlement 1986 chungchanga kan Chief Minister Pu Lalduhoma’n Pu Laldenga ṭanhmun chungchang a sawinaah MNF tan huat tur a awmin kan hrelo bawk a ni.
31st July 2026 (Friday) a Chief Minister Pu Lalduhoma’n Mizoram Law College Freshers Social & Felicitation Programme a hmanpuinaah Inner Line Permit leh Memorandum of Settlement 1986 chungchangah Opposition party-te anglo takin zep nei lo leh tlang takin thu a sawi a, ILP chungchanga Mizoramin a tih theih chin leh a dinngheh theih chinte tlang taka sawiin, ILP chu hmansual theih a nih thu leh hmansual a nih in Mizoram Sawrkar chu Court a khin a niha a chak loh chuan chuan ILP hi paihsak theih kan ni tiin a sawia, Adaptation of Laws Order 1950 hmanga kan chhawm Inner Line Regulation hi Mizoram tana inhumhimna a nih rualin, hman sual theihna laka inveng tura Law Zirlaite a fuihna thuah hian "dawihzepna" kan hmu ve lo a, ṭhangthar ten thil nihna diktak leh ṭan lak kan ngaihna lai dik taka kawhhmuh tu Chief Minister Pu Lalduhoma hi keini ZPM Thalai General Headquarter’s chuan kan ringtawk hle a ni.
Hun reitak chhung MNF leh MPCC ten Mizoram minlo kaihhruai tawhnaah thudik chanve leh an ṭawngkam thiamna hmangin Mizoram mipuite hi kan dinhmun diktak inhriatṭhelh tirna nen minlo awmtlei tawh ṭhina, mipuiten kan him lohna lai kan hriatchian loh avangin invenna tur leh inthuam chak zawnga hmalakna tur kan hrelo hle ṭhin a, mipui ṭhangharh tur beng daih nan a thlawna Sum sem tawktarhin, heng kan chak lohna te hmang ṭangkaiin Mizoram mipui te hi an duhna lam lamah minlo pawt kawi tawh ṭhina, thudik sawitute pawh inthlahrung takin an lo siam tawh ṭhin a ni.
Heng politics ze hlui hi sim thei lovin nimin 4th August 2026(Tuesday) khan Congress Party chuan kan Chief Minister Pu Lalduhoma chu thudik a sawi avangin poster hnaisai lo tak an siam saka, mipui hmuh theih turin khawlaiah an tar chhuak hial a ni. Hetianga inbeihna tenawm tak, Christian-te tih atana mawilo khawp laka Congress Party-te an inveng zo ṭhin lo hian ram hruai tlak an nih loh zia a ti lang chiangin kan hria a, sim tawh turin keini ZPM Ṭhalai General Headquarters chuan kan chah duh bawk a ni.
Hetih rual hian nimin 4th August 2026(Tuesday) vekah khan MNF Party pawhin thuchhuah siamin kan Chief Minsiter Pu Lalduhoma beih let nan Total Band an sawi ri leh ta a, an nihna diktak hailan a nih apianga Total Bandh hmanga inhliahkhuh an chin ṭhin hi simin, thil nihna diktak hmachhawn ngam zawk turin MNF Party hi kan chah duha, Mizoram mipuite pawhin MNF thiltum hi lo zawmsak lo turin kan ngen bawk che u a ni.
PR. No. 44 of 2026
Dated Aizawl the 5th August 2026 (Wednesday)
Issued by:-
Sd/- C Hmangaihzuala
General Secretary
Media & Publicity Department
ZPM Thalai General Headquarter’s, Aizawl.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: