MIGAHTA-in sorkar thuchhuah hal, tiamchin awm lovin mass casual leave la dawn; "School dinhmun a hniam zawnga indah sak hi kan pawm thei ngai dawn lo va, a tawp thlengin kan do zel dawn a ni,"

"School dinhmun a hniam zawnga indah sak hi kan pawm thei ngai dawn lo va, a tawp thlengin kan do zel dawn a ni," - MIGAHTA

Aizawl | August 5, 2026: Mizoram Govt. Adhoc Aided High School Teachers’ Association (MIGAHTA) huaihawtin vawiin August 5, 2026 khan Mizoram hmun hrang hranga Adhoc High School 90 chuangah Adhoc High Schoolte dinhmun hniam zawka dahna Notification an hal a, khaw tam takah he Notification halna hun hi Managaing Committee, All NGO leh VC ten an hmanpui a ni.

"MIGAHTA chuan, school dinhmun a hniam zawnga indah sak hi kan pawm thei ngai dawn lo va, Provincialised kan nih hnuah Adhoc-Grant-In-Aid dinhmuna min dahthla mai pawh duhtawk lo va, a ai hniam Lump-Sum-Grant-In-Aid/S-1 dinhmuna min dah thla leh zel hi a na kan tiin, a tawp thlengin kan do zel dawn a ni," tiin thuchhuah siamin an tarlang.

MIGAHTA hian Provincialised an nih tawh ang ngeia Provincialised dinhmuna dah

let leh tura sorkar an nawrna leh tuna kan dinhmun Adhoc-Grant-in-Aid atanga dinhmun hniam zawk Lump-Sum-Grant-Aid (Category S1) a sorkarin dah a tumna chu dodalin July 21, 2026 atang khan lungawi lohna an lo lantir tawh a ni.

Hetianga sorkar kara lungawi lohna an lantir mek laiin July 29, 2026-a Vanapa Hall kawta sit-in demonstration an neih tumin MZP palaina hnuaiah, Education Minister hriatpuinain sorkar aiawh Lalmuanpuia Punte, Adviser to CM (Political), ZPM Vice President ni bawkin a sawm angin, a office-ah MZP hriatpuinain inbiakna boruak tha tak hnuaiah an nei a. He hunah hian sorkar laka lungawi lohna an lantir mek chu titawp tura ngen an ni a. MIGAHTA-in sorkar laka an lungawi lohna leh an thil phut hrang hrang an sawite chu August 12, 2026 a ZPM PAC meeting-a ngaihtuah an tiam ang leh sorkar nen inbiakna an neih leh hma chuan Adhoc High School-te dinhmun hniama an tlakna tur Category S-1 notification tichhuak lo tura thuneitute ngen an tiam bawk avang tein, MIGAHTA memberten sorkar ngenna zahawm an tih avangin July 30, 2026 khan sorkar laka lungawi lohna an lantir sit-in demonstration chu an call off ta rih a ni.

Hetianga an chungchang ZPM PAC meeting in a rel tur an ngaihchan lai leh an ngen anga Adhoc High School-te dinhmun hniama an tlakna tur Category S-1 notification tichhuak lo tura an ngaih laiin; an inbiakna bawhchhiain, Notification tihchhuah hnan an ni a, hemi an duh lohna entirnan hian he Notification hi an hal ta niin MIGAHTA chuan thuchhuah siamin an tarlang.

Tin, vawiina MIGAHTA Executive meeting chuan sorkarin Provincialised dinhmuna dah let leh turin an phut a. Tuna an dinhmun Adhoc-Grant-in-Aid atanga dinhmun hniam zawk Lump-Sum-Grant-Aid(Category S1) a sorkarin a dahna Notification August 4, 2026-a a tihchhuah tawh chu cancel a nih hma chuan naktuk August 6, 2026 atangin tiamchin awm lovin Mass Casual Leave an la dawn a.

Tin, August 7, 2026 hian Mizoram hmun hrang hranga Adhoc High School te chuan an mahni veng leh khua theuhah School dinhmun tlakhniam tir a nih chungchangah Managing Committee, VC leh All NGO te nen Joint Meeting nei turin ruahmanna an siam bawk.

MIGAHTA IN NOTIFICATION KAN HAL, TIAMCHIN AWM LOVIN MASS

CASUAL LEAVE KAN LA DAWN

--------------------------------------------------------------------------------------------------------

Mizoram Govt. Adhoc Aided High School Teachers’ Association (MIGAHTA) huaihawtin vawiin August 5, 2026 hian Mizoram hmun hrang hranga Adhoc High School 90 chuangah Adhoc High Schoolte dinhmun hniam zawka dahna Notification kan hal a, khaw tam takah

he Notification halna hun hi Managaing Committee, All NGO leh VC ten an hmanpui a ni.

MIGAHTA hian Provincialised kan nih tawh ang ngeia Provincialised dinhmuna min dah

let leh tura sorkar kan nawrna leh tuna kan dinhmun Adhoc-Grant-in-Aid atanga dinhmun

hniam zawk Lump-Sum-Grant-Aid(Category S1) a sorkarin min dah a tumna dodalin

lungawi lohna July 21, 2026 atang khan kan lantir tawh a.

Hetianga sorkar kara lungawi lohna kan lantir mek laiin July 29, 2026-a Vanapa Hall kawta

sit-in demonstration kan neih tumin MZP palaina hnuaiah, Education Minister hriatpuinain

sorkar aiawh Pu Lalmuanpuia Punte, Adviser to CM (Political), ZPM Vice President ni

bawkin min sawm angin, a office-ah MZP hriatpuinain inbiakna boruak tha tak hnuaiah kan nei bawk.

He hunah hian sorkar laka lungawi lohna kan lantir mek chu titawp tura ngen kan ni a. MIGAHTA-in sorkar laka kan lungawi lohna leh kan thil phut hrang hrang kan sawite chu August 12, 2026 a PAC meeting-a ngaihtuah min tiam ang leh sorkar nen inbiakna kan neih leh hma chuan Adhoc High School-te dinhmun hniama kan tlakna tur Category S-1

notification tichhuak lo tura thuneitute ngen min tiam bawk avang te, MIGAHTA

memberten sorkar ngenna zahawm kan tih avangin July 30, 2026-ah sorkar laka lungawi lohna kan lantir mek sit-in demonstration chu kan call off ta rih a ni.

Hetianga kan chungchang PAC meeting in a rel tur kan ngaihchan lai leh kan ngen anga Adhoc High School-te dinhmun hniama kan tlakna tur Category S-1 notification tichhuak lo tura kan ngaih lain; kan inbiakna bawhchhia a, Notification tihchhuah hnan kan duh

lohna entirnan he Notification hi kan hal ta a ni.

Tin, vawiina MIGAHTA Executive meeting chuan sorkarin Provincialised dinhmuna min dah let leh turin kan phut a. Tuna kan dinhmun Adhoc-Grant-in-Aid atanga dinhmun hniam

zawk Lump-Sum-Grant-Aid(Category S1) a sorkarin min dahna Notification August 4, 2026-a a tihchhuah tawh chu cancel a nih hma chuan naktuk August 6, 2026 atangin tiamchin awm lovin Mass Casual Leave kan la dawn a.

Tin, August 7, 2026 hian Mizoram hmun hrang hranga Adhoc High School te chuan an

mahni veng leh khua theuhah School dinhmun tlakhniam tir a nih chungchangah Managing

Committee, VC leh All NGO te nen Joint Meeting nei turin ruahmanna kan siam bawk.

MIGAHTA chuan school dinhmun a hniam zawnga indah sak hi kan pawm thei ngai dawn lo va, Provincialised kan nih hnuah Adhoc-Grant-In-Aid dinhmuna min dahthla mai pawh duhtawk lo va, a ai hniam Lump-Sum-Grant-In-Aid/S-1 dinhmuna min dah thla leh zel hi a na kan tiin, a tawp thlengin kan do zel dawn a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]