MPSC insawifiah lehna ..

August 9, 2026 zana Social Mediaa darh, MPSC insawifiahna chu...

Mizo Zirlai Pawl (MZP) chuan MPSC kalphung siam that phuta an hmalak meknaah Thawhtanni ah MPSC pisa kai tur an dang dawn a, hei hian MPSC hna lak a kalpui meka Interview neih tura ruahmanna a lo siam tawhte a ti khaihlak thei nia thudawn a ni.

MPSC in department hrang hrang hnuaia hna lak an kalpui mekah August ni 10 - 20,2026 inkarah Interview nei turin ruahman a ni a, MZP in Pisa kai tur dan an tum Ni August 10,2026 ah pawh AA&AO, AAO(T), AAO(W) leh Field Facilitator atana interview neih mek chu chhunzawmin a hmawr bawkna neih a tum a, a zanah final result tarchhuah an tum a, hetihlai hian pisa kai theih a nih loh chuan he hna lakna hi a khaihlak thei dawn nia thudawn a ni.

MPSC programme / schedule duan lawk te:

1. August 10, 2026 hian AA&AO, AAO(T), AAO(W) leh Field Facilitator (total 63 posts) atana interview neih mek, 24.7.2026 aṭanga neih chu chhunzawmin a hmawr bawk a ni ang a, zanah final result tarchhuah a ni ang.

2. August 11, 2026 ah Junior Engineer under Agri&Farmers' Welfare hna lakna atan interview buatsaih tum a ni.

3. August 12, 2026 ah Asst. Director (Food & Drugs) under H&FW atan interview neih a ni ang.

4. August 19, 2026 ah Dialysis Technologist

5. August 20, 2026 Laboratory Technician

6. August 21 - 24, 2026 ah Cooperative Audit Officer

7. August 27 - 28, 2026 ah Assistant LESO

8. August 31, 2026 ah Xray Technician

9. September 1, 2026 ah Medical Records Technician

10. September 2 - 3, 2026 ah Inspector of Statistics

Hei hi Personal Interview hun fix tawh sa a ni a, a nghawng chho vek dawn a ni.

MPSC insawifiahna hmasa, MZP GS hnena an thawn chu MPSC WhatsApp channel-ah thehdarh a ni,