MIGAHTA lungawi lohna a kal zel, khaw hrang hrangah kawng an zawh!

Aizawl | August 10, 2026: ‘The Mizoram Education (Lumpsum Grants-in-Aid for General Maintenance of Private School) Rules, 2026’ Duh lohna a hlaur zel, khawtlang lungawi lo.

‘The Mizoram Education (Lumpsum Grants-in-Aid for General Maintenance of Private School) Rules, 2026’ sorkarin tunhnaia a tihchhuah chuan khaw hrang hrangah dodal a tawk nasa hle a. Kar hmasa nilai atang khan hmun hrang hrangah hal niin, vawiinah pawh khaw thenkhatah hal chhunzawm leh a ni.

He rules thar duh lohna lantir hian vawiin hian khaw thenkhatah Tlawmngai Pawlte hmalaknain kawng zawh a ni a, khawtlang school kum 20 dawn Adhoc Status awm tawh Lump-sum dinhmuna dahhniam duh lohna thu an au chhuahpui a ni.

Vawiin khan Aizawl South-III huamchhunga Adhoc High School awmna khuaa VC, Managing Committee, All NGO leh ZPM Unit aiawh kalkhawmte chuan ‘The Mizoram Education (Lumpsum Grants-in-Aid for General Maintenance of Private School) Rules, 2026’ an duh loh thu an pass a, he rules hi hmang tura sorkarin S1 Notification Adhoc High School-te tana a chhuah tawh chu a cancel leh hma loh chuan an bial chhunga Adhoc High School-te chu an khar tur thu an pass a. Khawtlangin hah taka a enkawl tawh dinhmun dah hniam zawnga hmalakna chu an do tlat tur thu an sawi.

Lunglei District-a Adhoc High School awmna khaw hrang hranga Managing Committee te pawhin vawiin hian Lungleiah joint Meeting neiin, he rules thar hi an pawm theih loh tur thu an sawi a. An District chhunga Adhoc High School te chu Adoc High School tana S1 Notofication cancel leh a nih hma chuan khar rih a nih tur thu an pass.

Mizoram Govt. Adhoc Aided High School Teachers’ Association (MIGAHTA) in Provincialised dinhmuna dah let leh phuta sorkar an nawrna leh school dinhmun Adhoc-Grant-in-Aid atanga dinhmun hniam zawk Lump-Sum-Grant-Aid(Category S1) a dah hniam an duh lohna lantira sorkar laka lungawi lohna an lantir mek chu Mizoram hmun hrang hranga Adhoc High School Managing Committee leh heng khua All NGO leh All Party te Joint Meeting chuan an thlawp tlat thu an chhuah mek zel a ni.

MIGAHTA chuan sorkar laka lungawi lohna an lantir mekah, Sorkarin thawktute hlawh sang zawk pek a tiam hi a lawmawm an tihrualin; school dinhmun a tlakhniam dawn ai chuan tiin an hlawh pung tur hi an hnar a. Heng an hmalakna hi zirtirtu dinmhmun tlahniam tur vawn himna leh thangthar hna zawng mekte hmakhaw ngaih vang a ni tih hriat sak turin Mizoram mipuite an ngen a ni.

‘The Mizoram Education (Lumpsum Grants-in-Aid for General Maintenance of Private School) Rules, 2026’ Duh lohna a hlaur zel, khawtlang lungawi lo

Vawiin hian Aizawl South-III huamchhunga Adhoc High School awmna khuaa VC, Managing Committee, All NGO leh ZPM Unit aiawh kalkhawmte chuan ‘The Mizoram Education (Lumpsum Grants-in-Aid for General Maintenance of Private School) Rules, 2026’ an duh loh thu an pass a, he rules hi hmang tura sorkarin S1 Notification Adhoc High School-te tana a chhuah tawh chu a cancel leh hma loh chuan an bial chhunga Adhoc High School-te chu an khar tur thu an pass a. Khawtlangin hah taka a enkawl tawh dinhmun dah hniam zawnga hmalakna chu an do tlat tur thu an sawi.

Keini MIGAHTA chuan sorkar laka lungawi lohna kan lantir mekah, Sorkarin thawktute hlawh sang zawk pek min tiam hi a lawmawm kan tihrualin; school dinhmun a tlakhniam dawn ai chuan tiin kan hlawh pung tur hi kan hnar a. Heng kan hmalakna hi zirtirtu dinmhmun tlahniam tur vawn himna leh thangthar hna zawng mekte hmakhaw ngaih vang a ni tih min hriat sak turin Mizoram mipuite kan ngen a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]