Legacy Fighting Championship 2-ah Sangsanga a che ṭha, a khupa a KO avangin 'KO of the night award' dawng bawk

Aizawl | August 24, 2026: Mizoram State Mixed Martial Arts Association (MISMA) professional fighter chher chhuah zinga hlawhting chho berte zing ami, Chawnpui, Aizawl/ Khawzawl tlangval, Lalnunsanga Chhakchhuak, tuna SPES Martial Arts academy-a training mek, chuan MMA India sanction hnuaia South India-a professional fight night lian ber, Legacy Fighting Championship 2, Hyderabad- neih zawh takah August ni 22 zan khan main event-ah Delhi pro-fighter tha Dushyant Singh chu 2nd round-ah Knockout-in a hneh a, 3-0-0 pro record a nei ta a ni. Sangsanga hian mawi tak maia a khupa a KO avangin 'KO of the night award' a dawng bawk.

August ni 22 zan vek khan MMA India sanction hnuaia India rama MMA leh K-1 professional fight night lian berte zing ami, pro MMA grand prix huaihawttu awmchhun ni bawk Aturto 4.2-ah Arunachal Pradesh-ah main event chu Mizo tlangval bawkin a chang leh a, K-1 professional fight-ah Itanagar tlangval rorum leh lar tak Diyo Rimo chu Hunthar tlangval Lalngaihawma, TMX gym-a training mek chuan hnehsawh takin Unanimous Decision-in a hneh. He event-ah hian International MMA & K-1 R&J / MISMA General Secretary Samuel Lalrozama chu Event Commissioner niin main event , co main event leh India vs Nepal international Pro MMA bout-te a referee a, a kaihhruaina hnauiah hian Meghalaya leh Assam official 2 bakah National R&J pahnih- MISMA Treasurer Lalthakima leh MISMA ECM Lalchhuanmawia te chuan Referee leh Judge hna an thawk bawk.