GIG Motors Kum 9 tlin lawmnan Aug 24-ah a thlawnin City Bus tlan tir dawn; Aug 22-ah 3:16 Plan Solution hnuaia sumdawnna hrang hrangte inkhar dawn!

Aizawl | August 21, 2026: GIG Motors Kum 9 tlin lawmnan Aug 24-ah a thlawnin City Bus tlan tir dawn a, Aug 22-ah 3:16 Plan Solution hnuaia sumdawnna hrang hrangte an inkhar dawn a, dawr theih an ni dawn lo!

GIG Motors (A Unit of 3:16 Plan Solution) chuan ni 23, August 2026 Pathianni hian Kum 9 a tling dawn a, kum 9 tlin lawmna pual hian August 24, 2026 Thawhtan hian City Bus 20 ( Sawmhnih) a thlawnin an service tir dawn bawk ani.

Anniversary lawmna pual hian 'One Day Olympic' naktuk August 22 Inrinni hian 3:16 Plan Solution hnuaia sumdawnna hrang hrang heng; GIG Motors Arena Showroom leh Service Edenthar, Nexa Showroom Thuampui, Commercial Showroom Falkland, ITC Falkland, Nexa Service, True Value, Driving School ITI World Bank Road, Planet Fashion, Arrow, Van Heusen, Park Avenue, Samsung Service Chanmari te khar a ni dawn a, hemi ni a dawr tum te hriatthiamna an ngen tak meuh meuh a ni.

GIG Motors hian kum dangah pawh, an din cham pual hian city bus an lo tlantir tawh thin a, mipui hnenan lawmthu sawi nan tiin a thlawnin city bus an tlan tir tawh thin a ni. Heng bakah hian, mi harsate tan an luangchhuak a, Kristiante hunpui krismas-ah pawh thilpek an lo sem chhuak fo tawh a ni. Mizoram entertainent leh sports huangah chuan, an tel lohna hi a awm mang tawh lo emaw tih mai turin sports event hrang hrang an sponsor a, programme thenkhat - an tan sum leh paia hlawkna hmuh let tur a awm dawn miah lo tih an hriatnaah pawh, mipui leh thalaite tan an luangchhuak nasa hle a ni.